“Gürcistan’da akrabalarımız var.”

 

 

 

 

 

“Gürcistan’da akrabalarımız var.”

 

 

(Ön açıklama: Bugünkü misafirim Mehmet Ender Savcın. Mehmet Ender Savcın, donanımlı “Gürcü”/ “Çveneburi” Aydınlarından.  Bugünkü Laz Aydınları bilmiyor; Mehmet Ender Savcın da Lütfi Baysal gibi bir Laz dostu; Laz Aydınlarına destek oldu. “Lazların Tarihi” adlı kitabın yayınlanması için Hayri Hayrioğlu Malaqmadze ile Ant Yayınları arasında köprü olmuş. Ortak dostlarımız da vardı: Yüksel Yılmaz Yamakhoğlu, Tufan Şafak Yüksel Lominadze vd. Mehmet Ender Savcın ile biyografisi ve kültürel çalışmalarına ilişkin konuştum. Bu metin, söyleşimize ait. Ali İhsan Aksamaz)

+

 

 

 

 

Ali İhsan Aksamaz: Önce biyografinizden konuşalım da öyle başlayalım, olur mu?! Nerede ve ne zaman doğdunuz? Hangi okullarda öğretim gördünüz? Mesleğiniz nedir? Evli misiniz? Çocuklarınız var mı? Torunlarınız var mı?  Şu anda nerede çalışıyorsunuz? Hangi dilleri biliyorsunuz?  Bize kendinizden bahsedin, lütfen! 

 

 

Mehmet Ender Savcın: 1952’de İstanbul- Beşiktaş doğumluyum. Kadırga İlköğretim Okulu, Gedik Paşa Ortaokulu orta ikinci sınıfa kadar öğrenim gördüm. Evliyim. Çocuğum yok. Emekliyim. Türkçe ve Gürcüce biliyorum.

 

 

Ali İhsan Aksamaz: Siz Muhacir “Çveneburiler”den misiniz? Yerli Gürcülerden misiniz? Gürcüce soyadınız nedir? Gürcistan’da akrabalarınız var mı? 

 

 

Mehmet Ender Savcın: Babaannem Sapancalı Gürcülerden. (İstanbul) Saray’a yerleşmiş. Büyükbabamın babası Saray’da kuşçubaşıymış. Büyükbabam babaannemi Saraydan almış. Beşiktaş- Abbasağa Mahallesine yerleşmiş. Büyükbabamın kökenini tam olarak bilmiyorum (Saraylı olduğu için saray arşivlerinden araştırma yapmam gerekiyor). Anneannem, Batum muhacirinin kızı. Düzce- Çilimli’ye yerleşmiş. Annemin babası da Bulgaristan muhaciridir. Onlar da Düzceye yerleşmişler. Annemin anne soyadı "Gorgoşadze" . Gürcistan’da akrabalarımız var.

 

Ali İhsan Aksamaz: Ahmet Özkan Melaşvili, Hayri Hayrioğlu Malaqmadze ve Akın Şanver’i tanıyor muydunuz? Onlarla ne zaman tanıştınız? 

 

 

Mehmet Ender Savcın: Ahmet Özkan ve Hayri Hayrioğlu’nu tanıyordum. 1976 senelerinde onlarla tanıştım. 

 

 

Ali İhsan Aksamaz: 1968’de İstanbul’da yayınlanan “Gürcüstan” adlı kitabı ilk ne zaman gördünüz ve okudunuz?

 

Mehmet Ender Savcın: Bursa'ya gittiğimde Ahmet Özkan’dan tedarik etmiştim. 

 

 

Ali İhsan Aksamaz:  “Çveneburi Dergisi” neden Türkiye’de değil de İsveç’te yayınlandı? “Çveneburi Dergisi, neden önce İsveç’te sonra da İstanbul’da yayınlandı? Eski “Çveneburi Dergisi” ile ne zaman tanıştınız? Bu dergiye maddî- manevî destek verdiniz mi?

 

 

 

Mehmet Ender Savcın: Yayınlanma İsveç’ten  İstanbul’a geçtikten sonra, dergiyle  tanıştım. Abone olduğum için hâliyle maddî destek olduk. 

 

 

Ali İhsan Aksamaz: Geçen yıl Pridon Khalvaşi’nin “Omri” ve Saba Artvineli’nin kitapları yayınlandı. Bu kitapları okudunuz mu? Neler söyleyebilirsiniz?

 

 

Mehmet Ender Savcın: Evet, okudum.

 

 

Ali İhsan Aksamaz: “Gürcüstan” adlı kitabı Ahmet Özkan Melaşvili’nin yazmadığı, Moskova’da Fransızca olarak yayınlanmış bir kitabın çevirisi olduğu söyleniyor? Ne diyorsunuz?

 

 

Mehmet Ender Savcın: Bu konu hakkında bilgim yok.

 

 

Ali İhsan Aksamaz: Ahmet Özkan Melaşvili’nin Gürcü Kültürüyle ilgilendiği için öldürülmediği söyleniyor? Neler söyleyebilirsiniz?

 

 

Mehmet Ender Savcın: Bilmiyorum.

 

 

Ali İhsan Aksamaz: Ahmet Özkan Melaşvili’nin ölümünden ancak 13 yıl sonra “Çveneburi Dergisi” yeniden yayınlandı. Neden 13 yıl yayınlanmadı?

 

 

Mehmet Ender Savcın: İletişim ve ekonomik zorluklardan dolayı bu sürecin uzadığını düşünüyorum.

 

 

1963’de Sovyetler Birliği’nde yayınlanan ‘Lazların Tarihi’ adlı kitabın Ant Yayınları’ndan 1992’de çıkmasına Mehmet Ender Savcın vesile oldu

 

 

 

Ali İhsan Aksamaz:  “Lazların Tarihi” adlı kitap Hayri Hayrioğlu Malaqmadze’nin çevirisiyle 1992’de yayınlandı. Bu kitabın yayınlanmasına sizin de katkınız oldu; öyle biliyorum. Doğru mu?

 

 

Mehmet Ender Savcın: Evet, doğru katkım oldu.

 

 

 

Ali İhsan Aksamaz: “Lazların Tarihi” konusunda  bir gazetede makaleleriniz yayınlandı; öyle duydum. Hangi gazeteydi? Ne zaman? Bu konuda bilgi verebilir misiniz?

 

 

Mehmet Ender Savcın: İstanbul-Bakırköy ilçesinde yayınlanan yerel gazetelerden olan “Yeni Sefa” (1988) ve “Lider” (1987) adlı gazetelerde köşe yazılarım yayınlandı. 

 

Ali İhsan Aksamaz: Türkiye’de artık Lazca, Abkhazca, Çerkesçe, Kürtçe, Gürcüce, Zazaca, Pomakça, Arnavutça da seçmeli ders. Bu konuda ne düşünüyorsunuz?

 

 

Mehmet Ender Savcın: İyi olacağını düşünüyorum. 

 

 

 

‘Lazların Tarihi’ adlı kitabı Türkçeye tercüme eden Hayri Hayrioğlu Malaqmadze (sağda)  kitabın yazarlarından Sovyetler Birliği vatandaşı Muhammed Vanilişi ile (Batum, 1991)

 

 

Ali İhsan Aksamaz: Benim başka sorum yok. Ancak sizin başka söyleyecekleriniz varsa, lütfen onları söyleyin. Teşekkür ederim.

 

 

Mehmet Ender Savcın: Ben teşekkür ederim.

 

 

+

 

Mehmet Ender Savcinik Ğarğalaps:

 

“Çkin mzaxalepe komiqonunan Gurcistanis”

 

 

(Goʒ̆otkvala: Andğaneri musafiri çkimi ren Mehmet Ender Savcini. Mehmet Ender Savcini ren k̆itxeri-ğnoseri ‘Gurci’/ ‘Çveneburi’ gamantanerepeşen.  Andğaneri Lazi gamantanerepes va uçkinan; Mehmet Ender Savciniti, Lutfi Baysali steri ren Lazepeşi dost̆epeşen arteri. Edo Lazi gamantanerepes numxvacu emuk. ‘LazepeşiTarixi’ coxoni ketabişi gamaçkvinus numxvacu do tercumani Hayri Hayrioğli Malaqmaže do gamamçkvala “Ant”işi şkas k̆ap̆et̆i xinci iqveren. Oşkaruli manebrapeti komiqonut̆es: Yamaxoğli Yuksel Yilmazi, Tufan Şafak Yuksel Lominaže do majurape. Mehmet Ender Savcini k̆ala biyografi muşişen do k̆ult̆uruli noçalişepe muşişen bğarğali na. Edo aya t̆ekst̆i ren çkini int̆erviuşi. Ali İhsan Aksamazi)

+

 

 

 

 

Ali İhsan Aksamazi: ʒ̆oxle biyografi tkvanişen molapşinat do eşo gevoç̆k̆at, iqveni?! So do mundes yeçkindit? Namu nʒ̆opulapes igurit? Mu mesleği giğunan? Çileri reti? Berepe giqonunani?  Motape giqonunani?  Andğaneri ndğas so skidut? Namu nenape giçkinan?  Ti-tkvanişen molamişinit, mu iqven!

 

 

Mehmet Ender Savcini: Ma yepçkindi 1952 ʒ̆anas. Noğa İst̆anboli- Beşiktaşis dovibadi ma. Kadirgaşi geç̆k̆apuroni nʒ̆opulas do majurani k̆lasişakisti, Gedikpaşaşi oşkenoni nʒ̆opulas doviguri ma. Çileri vore. Bere va miqonun ma. T̆ek̆avudi vore. Turkuli nena do Gurculi nena komiçkin.

 

 

Ali İhsan Aksamazi: Tkvan mohacir Çveneburepeşen reti? Varna svalyari Gurcepeşen reti? Gurculo mu gvari giğunan? Mzaxalepe giqonunani Gurcistanis? 

 

 

Mehmet Ender Savcini: Baba çkimişi nana, nandidi çkimi, ren Sapancuri Gurcepeşen. Alosmanişi Sarayişa dibargeren emindroneri nananoğa İst̆anbolis. P̆ap̆u çkimişi baba t̆eren k̆uşçibaşi Alosmanişi Sarayis.  P̆ap̆u çkimik nandidi çkimi k̆ala Alosmanişi Sariyişen içileren. Edo Beşiktaşişi mahalle Abbasağaşa dibargeren. P̆ap̆u çkimişi cincişen tişen k̆udelişa ambai va miğun (Sarayişi xalk̆işen ren emuşeniti Alosmanişi Sarayişi arkivepes goşogoruşi vore). Nanaşen nandidi çkimi ren Batumişen mohaciri moxtimerişi k̆ulani. Noğa Duzceşi Çilimlişa dibargeren. Nana çkimişi babati ren Bulgaristanişen mohaciri. Entepeti Duzceşa dibargerenan. Nana çkimişi nanaşi gvari ren Gorgoşaže. Çkin mzaxalepe komiqonunan Gurcistanis.

 

Ali İhsan Aksamazi: Ahmet Ozkan Melaşvili, Hayri Hayrioğli Malaqmaže do Akin Şanveri içinopt̆iti? Entepe k̆ala mundes ok̆oiçinit?

 

 

Mehmet Ender Savcini: Ahmet Ozkani do Hayri Hayrioğli viçinopt̆i ma. 1976 ʒ̆ana rt̆u, emorapes entepe k̆ala ok̆oviçini ma.

 

 

Ali İhsan Aksamazi: 1968 ʒ̆anas, noğa İst̆anbolis gamiçkvineri ‘Gurcustani’ coxoni ketabi ipti mundes žirit do mundes ik̆itxit?

 

Mehmet Ender Savcini: Noğa Bursaşa mepteret̆i,  Ahmet Ozkani mok̆itxuşa mepteret̆i, emindros eya ketabi maqu.

 

 

Ali İhsan Aksamazi:  ‘Jurnali Çveneburi’ muşeni ʒ̆oxle Turkiyes vardo, İsveçis gamiçkvinu? ‘Jurnali Çveneburi’ muşeni ʒ̆oxle İsveçis uk̆uleti noğa İst̆anbolis gamiçkvinu? Mcveşi ‘Jurnali Çveneburi’ k̆ala mundes ok̆oiçinit? Eya jurnalis maddur- manevuri mxuci meçiti?

 

 

 

Mehmet Ender Savcini: Jurnali İsvecis gamiçkvinet̆u, emoras var; uk̆ule, jurnali gamiçkvinet̆u  noğa İst̆anbolis, emoras ‘Jurnali Çveneburi’ k̆ala ok̆oviçini ma. Jurnalişi abone vort̆i, eşotenti madduri mxuci mepçapt̆i mati. 

 

 

Ali İhsan Aksamazi: Goʒ̆os Xalvaşi P̆ridonişi  ‘Omri’/ ‘Skidala’ coxoni ketabi do Saba Artvinelişi ketabi gamiçkvinu. Aya ketabepe ik̆itxiti? Muepe gatkvenan aya ketabepe şeni?

 

 

Mehmet Ender Savcini: Ho, vik̆itxi.

 

 

Ali İhsan Aksamazi: ‘Gurcustani’ coxoni ketabi va ren Ahmet Ozkan Melaşvilişi noçalişeya, Mosk̆ovas Fransuli nenaten gamiçkvineri ar ketabişi tercume renya tkumernan namtinepek. Eşo itkven. Tkvan mu gatkvenan aya ambai şeni?

 

 

Mehmet Ender Savcini: Aya dulyaşen ambai va miğun ma.

 

 

Ali İhsan Aksamazi: Ahmet Ozkan Melaşvilik Gurculi k̆ult̆uri k̆ala ibodert̆u, emuşeni va iqvilinuya tkumernan namtinepek Turkiyes. Tkvan mu gatkvenan aya ambai şeni?

 

 

Mehmet Ender Savcini: Va miçkin ma.

 

 

Ali İhsan Aksamazi: ‘Jurnali Çveneburi’ gamiçkvinu Ahmet Ozkan Melaşvilişi ğuraşen 13 ʒ̆anaşk̆ule. Muşeni va gamiçkvinu 13 ʒ̆anas?

 

 

Mehmet Ender Savcini: Emoras k̆ont̆akt̆i oxvenu meç̆ireli rt̆u, finansuri p̆roblemepe kort̆u do emuşeni. Aya endolepeşi guri şeni va gamiçkvinu. Ma eşo vizmon.

 

 

Ali İhsan Aksamazi:  ‘Lazepeşi Tarixi’ coxoni ketabi gamiçkvinu Hayri Hayrioğli Malaqmažeşi tercumeten 1992 ʒ̆anas. Aya ketabişi gamaçkvinus tkvanti mxuci meçit. Eşo miçkin ma. Aya ambai ʒ̆ori reni?

 

 

Mehmet Ender Savcini: Ho, ʒ̆ori.

 

 

 

Ali İhsan Aksamazi: Lazepeşi Tarixişen tkvanti mak̆alepe ç̆arit do antepe gamiçkvinu ar gazetas; eşo kovogni ma. Namu gazeta rt̆u? Mundes t̆u? Aya noçalişe tkvanişen çkimda ambai megaçenani?

 

 

Mehmet Ender Savcini: İst̆anboli-Bakirkyoyişi emoraşi lok̆aluri gazetapeşen ‘Yeni Sefas’ (1988 ʒ̆anas) do “Lideris” (1987 ʒ̆anas) gamiçkvinu mak̆alepe çkimi. 

 

Ali İhsan Aksamazi: Açkva Lazuri, Abxazuri, Çerkesuli, Kurduli, Gurculi, Zazuri, P̆omak̆uri, Arnavuturi nenapeti menoʒxune dersi ren Turkiyesi nʒ̆opulapes. Aya ambai şeni mu izmont tkvan?

 

 

Mehmet Ender Savcini: K̆ai iqvasion,aşo vizmon ma. 

 

 

Ali İhsan Aksamazi: Arçkva k̆itxala va miğun tkvanda. Mara otkvaluşi çkva ambai giğunan na, eti miʒ̆vit, mu iqven! Ma şukuri giʒ̆umert.

 

 

Mehmet Ender Savcini:  Ma şukuri giʒ̆umert.

 

aksamaz@gmail.com

https://sonhaber.ch/turkce-lazca-soylesi/

 

 

ქემალ ოზბიჲიკიქ ღარღალაფს

ქემალ ოზბიჲიკიქ ღარღალაფს:

“თიშინერი კოჩეფექ ვარ ოკობიბღით ნა, ნენა ჩქუნითი ღურასე!”

(გოწოთქვალა: ანდანერი მუსაфირი/ სუმარი ჩქიმი რენ ქემალ ოზბიჲიკი. მა ემუ დიდო წანაფეშენ დონი ვიჩინოფ фეჲსბუკიშენ; მანებრა ჩქიმი რენ ინტერნეტიშენ. გოწოსთი არ фარა ქოკოფთით. აჲა რტუ 23 იგრიკა 2017 წანას. “ლაზეფე…” ჯოხონი არ  ოკოხთალა ქომიღუტეს ნოღა ართვინიში ომორდინუ დო გამანთანაში ვაქфის დო ემინდროს ქოკოფთით ჩქინ. ქემალ ოზბიჲიკი რტუ ჩქიმი თერჯუმანი, ლაზურიშენ თურქულიშა.  ქემალ ოზბიჲიკი რენ ჩქინებური კაი კოჩეფეში ართ-ართი. მსქვაშა ღარღალაფს. ემუშენი ქი, დიდო მსქვა გური ქუღუნ. ქემალ ოზბიჲიკის არ გამიჩქვინერი ქეთაბითი ქუღუნ: “ჟინდოლეფე მტვერი მო ივას!” ემინდროს ჰედიჲე მომჩუ ქეთაბი მუში დო არჩვაშის ვიკითხი ეჲა. ჩქინ ჰემი აჲა ქეთაბი მუშიშენ, ჰემითი მუში კულტურული ნოჩალიშეფენ ბღარღალით. აჲა რენ ნოღარღალე ჩქინიში ტექსტი. (ალი იჰსან აქსამაზი; 30 XI 2018)

+

ალი იჰსან აქსამაზი:ქემალ ბეგი, იფთი ბიჲოგრაфი თქვანიშენ ბღარღალათ დო ეშო გევოჭკათ, იყვენი? სო დიბადით, სო ჲეჩქინდით? მი ოღლეფეში რეთ? ოფუტე თქვანის მუ ჯოხონს, მჯვეში დო აღანი ჯოხოფეთენ? ნამუ ნწოფულაფეს იგურით? ჩილერი რეთი? ბერეფე გიყონუნანი? აწი სო სქიდურთ? ეშო მიჩქინ ქი, ტეკაუდი რეთ, აწი მუ დულჲაფე იქიფთ?

ქემალ ოზბიჲიკი: მა წანაფექ (1954) ვიტონ ჩხორო ოში დო ჟურე ნეჩი დო ვიტო ოთხო  ოწიჲამტუში მარტიში გვერდიზ ( 15 მარტი ) , ართვინ-არქაბიში სუჰულეთ ( ქüჩüქქöჲ ) ოფუტეზ ქიჲანაშე მოფთი დორე. ჩქუნი კოჩეფეზ, წოხლეფეზ “ქუჲუში” მიწუმეტეზ დორე ( ქუჲი დიდი არ კინჩიში ჯოხო რენ. თურქული  “დოღანი” უწუმენან)ოკულე ჩქუნი წოხლენუჲი ჯოხო ბუჲუკლი დივუ დორე. სოჲადი კანუნი გამახთუ შკულე ჩქუნი ჯოხო ოზბიჲიკი დივუ დორე. ბაბა ჩქიმიში ჯოხო მუსთაфა, ნანა ჩქიმიში ჯოხო შეфიქა რენ. ჟურ დიდი ჯუმა, არ და მიჲონუტუ. დიდი ჯუმა ჩქიმი დომიღურუ. ჰაწი არ დიდი ჯუმა დო არ და ქო ბორეთ.( მა ოხოჲი ჩქუნიში ჭუტა ბერე ბორე. )

ბაბა ჩქიმი (84) ოთხო ნეჩი დო ოთხო წანეჲი ტუ შკულე (1994) ვიტონ ჩხორო ოში დო ოთხო ნეჩი დო ვიტო ოთხო წანაში კუჩუხაჲიზ, კუნდურაზ, (24-იზ) ეჩი დო ოთხოზდოღურუ. ნანა ჩქიმი 100 (ოში)წანაში დოლოხე რენ. ღნოსი მუში კაჲირენ. ლაზური დო თურქული ბიპარამიტამთ. ნა უჩქინ კატა მუთუ მა დომიწუ. წოხლენური დიდო მუნთხანეფე ბიპარამიტით. მა ჰემთეფე ქო მებოჭაჲი.

მა ოღინეში მექთებიში ჟურ სინიфი სუჰულეთ’იზ ბიკითხი. დიდი ჯუმა ჩქიმეფექ ანქარა’შე ქომომოჲონეზ. ოღინენი მექთები ანქარაზ, სარარ ილქოქულიზ ბოჩოდინი. ორთა მექთები დო ლისე მექთები ანქარა’ზ ათათურქ ლისეზ ბოჩოდინი. უნივერსიტეტი ანქარაზ ანქარა იქთისადი ვე თიჯარიილიმლერ აქადემისი (აითია) ბიკითხი. (ჰაწი ჯოხო გაზიუნივერსითესი დივუ. ) ბულთი ბისთეტი. ფთთ თაკიმიზ გებოჭკი. აჲჯე ტაკიმეფეზთი ბისთერი. (პროфესჲონელი ვარ ბისთერი. ამატორი ბორტი. ალა ქემენჩე დო გუდასთვირი/ ტულუმიში ნენა ბოგნა შკულე, დულჲა ოხობუშქუმეტი დო ოსთერუშა მებულუტი.

მა 8 (ორვო) წანეჲი ბორტი. დიდეფე ჩქიმი კალა ბიპარამიტამტი. ნა ბიპარამითი კატა მუნთხა მებოჭარამტი. კატა წანაზ ოფუტე ჩქუნიშე ბულუტი. გოლაფეზ გობულუტი. ღალეფეზ, ოფუტეფეზ, გერმაფეზ გობულუტი დო ჰემ ლეტაფეში სურეთი გამაბიმეტი.

ჰაწი მუფე ბიქომ? (50) ჟურნეჩი დო ვით წანაშენ დონი ნა ოკობობღეფე სვარა გამაღუ შენი პჭარუმ. ნა ოკობობღეფეშენ სვარაფე გამაბიღა მინონ.

(2017) ჟურ ვიტოში დო ვიტო შქვითწანაში წანაღანიზ არ სვარა ჩქიმი ქო გამახთუ. ჰემუში ჯოხო “ უზერლერი თოზ ოლმასინ/ დოღუ ქარადენიზდე ჲაშ ალმაქ “ გებოდვი.

ჰაწითი აღნე სვარაფეშენი ნა ოკობობღეფე ბოდუზანამ. ჰა სვარაზ ართვინი დო არქაბიში კულტური დო фოლქლორი ოფშა ივასე. წოხლენური მუნთხანეფე მებოჭარამ. ალა სვარა გამიღუ შენი გეჭარეჲიუნონ. გობიწკედამ. ბძირა შკულე (2.) მაჟურანისვარა ჩქიმი გამაბიღარე.

ხოლო ჩქიმი ოფუტეში არ მუნთხანეფე მებოჭარაე. მა ნა პჭარი ლაზური დო თურქული შიირეფე მიღუნ, ჰაწითი პჭარუმ. ლაზური ნენაფეში თურქული მუ ითქфენ მებოჭარამ.

ნა ბიქომ დულჲა შენი “ნა მოხთაფეშენი ოკობღამ“ ბზოპონ.

ალი იჰსან აქსამაზი:მა ხოლო მიჩქინ, თქვან (ოშქენდაჲულვა ტექნიკური უნივერსიტეტიში)  ოდთუ-ში მჯვეში ემექთარეფეშენ ართერი რეთ. ოდთუ-ს კომპიუტერიში სისტემი ოკიდუშა ჯუმუ ქუღუნან. ეშო მიჩქინ მა. აჲა მუნდეს ტუ? მუჭო დო მუნდეს გეოჭკით ოჩალიშისუს, ოდთუ-ს?

ქემალ ოზბიჲიკი:1975 წანაში ჩურუღაჲიში (15- იზ) ვიტო ხუთიზოდთუ-ელექთრონიქჰესაფ ბილიმლერი ბოლუმი -“ ბილგისაჲარ მერქეზიშ” დულჲაშე ქო გებოჭკი. ოჩალიშუ შენი კოჩი გორუმტეზ. მათი ბიდი. ნოჭარეჲი იმთიხანიზ (1.) მაართანი ქო გამაფთი. სუმ კოჩი ეჭოფუმტეზ. ნენათე, ნა ვეზ იმთიხანიზ  “არ შვაჯი ნა დულჲაზ გჲოჭკასე თიშინერიკოჩი მინონან. ჰემუშენი სი ენნი ოღინე ჲედეღიზ მეგოჭარათე. “ მიწვეზ. ალა ჟურ თუთა გოლილუ შკულე თელეфონი მიღოდეზ დო მიჯოხეზ. მათი ბიდი დო ჰეგ დულჲაზ ქო გებოჭკი.არ წანა გოლილუ შკულე შეфი დობივი. ჭუტა ორა გოლილუ შკულე მუდირი დობივი.

ჰემ ორაზ,ბოლუმიზ მეკიდერი ბორტით. ოკულე რექთორლუღიზ მემოკიდეზ. ჯოხო ჩქუნითი ბილგი იშლემ დაირესი ბაშქანლიღი დივუ. ჰექ დიდო მენჯელი ბოჩოდინი. დიდო დულჲაფე პი. ხфალა ნა ბიჩალიშამ ბოლუმიზ, ვარ, ოდთÜ-ში კატა კელე მიჩინომტეზ. ჰემ ორაზ პეჯი ქარტალიში(კარტონი ) სისტემეფე ბიხმატით. მა ბულთი ნაბისთე შენი სერი ოჩალიშუ კაჲი მიწონტუ. სერი ჟურ კოჩი დულჲაზ ბივეტით. მათი ჩილერინა რენ დულჲაში მართეფეკალა მოფфხადიში ჰეჲა ოხოჲი მუშიშე ბოშქუმეტი დო მა ხфალა ბიჩალიშამტი. იზინიში ორა მოხთა შკულე ჰემთეფექ ჩქიმიშენი იჩალიშამტეზ დო მა არ თუთა ნა მიღუნ იზინი ჟურ თუთა ბიქომტი. ინტერნეტი თურქიჲე’შე ჩქუ მობიღით. წანაფე (1992)ვიტო ნჩხორო ოში დო ოთხო ნეჩი დო ვიტო ჟურტუ შკულე ქო მობიღით დორტუ. ალა ოღინე იხმარუ ჰემორაში ჯუმჰურბაშქანი თურგულ ოზალიქ ნა ვუ შენი  “ რესმი გონწკუ “ (1993)ვიტონ ჩხორო ოში დო ოთხო ნეჩი დო ვიტო სუმ წანაში აპრილიში (25-იზ) ეჩი დო ხუთიზ ივუ. მა ჰემორაზ იდარი დულჲაფეში მუდირი ბორტი.

ემექლი ბივიტა შაქი ჰეგ (36) ეჩი დო ვიტო აშიწანა ბიჩალიში დო (2011) ჟურ ვიტოში დო ვიტო არწანაში ჩურუღაჲიში (15) ვიტო ხუთ ივუ შკულე დულჲაზ ოხობუშქვი.

ოდთუ- ში არ ჲერიზ ენნი დიდო, ნა იჩალიშუ კოჩი მა ბორე. ოჩალიშუშე ნა გჲოჭკუ ჲერიზ მუდირი ნა ივუ კოჩითი მა ბორე. “ბაშქან ჲარდıმჯıსı “ ნა ივუ ენნი ოღინენი კოჩითი მა ბორე.ემექლი ნა ბივი ბიდბ შენითი სავარა ქონოჭარი მიწუმენან. ჰემუშითი არ დიდი სვარა დივენ.

ალი იჰსან აქსამაზი: ირის ვა უჩქინ ალა, მა კაიხეშა ქომიჩქინ. თქვან ხორონიში მამგურაფალე რეთ. ეშო ფთქვათ ნა, აშო ფთქვათ ნა, ოშეფეთენ მამგურე ქუყოუნან ხორონიში სახას/ სფეროს; ეშო მიჩქინ. მუნდეს დო ნამუ დერნეღის გეოჭკით.

ქემალ ოზბიჲიკი: (1974)ვიტო ნჩხორო ოში დო სუმენეჩი დო ვიტო ოთხო წანაზ, ანქარა’ზ არქაბიში დერნეღი გედგეჲი ტუ. მუნთხანეფე იქომტეზ ხეშე ნა მუხთამან კატა დულჲაშე ხე მეჩამტეზ. წანაზ არ – ჟურ фარა დერგი გამიმეტეზ. წანაზ არ – ჟურ фარა ჭანდა იქომტეზ. ნა დოქაჩეზ ჲერიზ ოკიბღეტეზ დო ქარტალიში ისთეტეზ, ოქეჲი ისტეტეზ, თავლა ისტეტეზ.ოღინე ხორონი ისთერტეზ. ალა ორა გოლილუ შკულე ხორონი დოგურუ დიჩოდუ. მითიქ ვარ დოგურამტუ. დოლოქუნუ დო კუჩხეში მოდვალუთი ვარ დოსქიდუ დორტუ.

ჭანდაფეზ, ოკოფხეტით,ოღინეშენ ხორონი ნა უჩქინან ბოზო დო ბიჭეფექ ჟურ – სუმ პროვა  იქომტეზ დო ჰეშო ისთერტეზ.

(1975) ვიტო ნჩხორო ოში დო სუმე ნეჩი დო ვიტო ხუთწანა მოხთუ შკულე ანკ არა’ზ ორჩაჲლილარ კულტური ჲარდıმლაშმა დერნეღი დობკოდით. მა ჰემუში კატა დულჲაფეზ ენ ოღინეში ბიჩალიში. ართვინ’იში ხორონი დო ბარი დოგურუ შენი, ქადირ მერიჩ’იზ ბუწვი. გეჭარეჲი თი ვარ ეჭოფუ. მოხთუ აჲდინლიქევლერ’იზ, გზაზ მელონდე “ საქათლარ ოქული “ ტუ. ჰემუში მუდირიში ჲარდიმჯი მართე ჩქიმიში დიდი ჯუმა ტუ. მჟაჯხა ნდღაზ ჰეგ ბულუთ დო ბიჩალიშამტით. არ წანა ჰეგ ბიჩალიშით. ართვინ’იში ოსთერუფე ქო დობიგურით. არ წანა შქულე მა ხოჯალუღიზ ქო გებოჭკი. ჰე მექთებიშენ ქო გამამოშქфეზ. ოჩალიშონი სალონი ვარ მაძირეზ. ჯავით ოზქოსიф დიდი ჯუმაში სითელერ’იზ დიდი ნჯალეფე ნა გამაჭუტეზ მაღაზა უღუტეზ. (ქერესთე თუჯჯარლუღი) კატა მჟაჩხაზ ჰეგ ბულუტით ორთალუღიზ, ნა რენ ნჯალეფე ბოდუზანამტიტ. ფქოსუმტით, ფხიმჩით დო ჰეგ ბიჩალიშამტით.

არქაბიში ხორონეფეთი ჰემ ორაფეზ “ ჰამოჲ “ დერნეღიზ, ნა დოგურამტუ მუსა ქაზıმ ოზბირინჯი (ჲუჯელ აღაბეჲი) არქაბიში დიდი ჯუმაშე ბიდი დო ბუპარამითი. ჰემუქ მოხთუ. არქაბური 4 ( ოთხო ხორონი ) დომოგურეზ.  ჲუჯელ დიდი ჯუმა (1968) ვიტონ ჩხორო ოში დო სუმე ნეჩი დო ოვრო წანაზ ჲაშარ თურნა დო ჯენგიზ გუნალიქ, ნა ხორონეფე დოგურუ ბერეფეში დოლოხე ტუ. დერნეღი ჩქუნიქ მითიშენ გეჭარეჲი ვარეფჭოფით. ჲონეთიმიზ ნა ბორტით კოჩეფექ გეჭარეჲი ნა უნონ კატა მუთუ ჩქუ დოპით. ჩანდაფე პით. კულტური ჩქუნი ოკობიბღით დო ბღარღალით, ნენა ჩქუნი ბიპარამიტიტ. ხორონეფე ჩქუნეფე ბისთერით. ლაზური ბიბირით. კაჲი დულჲაფე პიტ.

(1978)ვიტონ ჩხორო ოში დო სუმე ნეჩი ნეჩი დო ვიტო ოვრო წანაშენ დონი ართვინ’იში ხორონი დო ბარიდო არქაბიში ხორონეფე დობოგურამ. ჰემორაშენდონი ვარ მობიშфაჯი. კატა წანაზ ნა უნონ ბოზო დო ბიჭეფეზ დობოგურამ. დოგურუ შენი ჰაქ შაქი მა გეჭარეჲი ვარ ეპჭოფი. ჯები ჩქიმიშენ გეჭარეჲი მეფჩი დო ნა მინონან კატა მუთუ ეპჭოფით. ჰა დოგურუზ ვარ ოხობუშქфი. ჰაწი (2018) ჟურ ვიტოში დო ვიტო ოვრო წანაზ ბორეთ. ჰაწანაზთი ბოჩალიშაფამ.კატა მჟაჯხაზ ოკობიბღეთ დო ანკარა დიქმენ ქექლიქფინარიზ “ართვინიში ოხორის” დობოგურამ. ტეკაუდი ბივიშენდონი გუდასთვირი/ თულუმი დო აკორდეონი ოჭანდუ შენი გეჭარეჲი, ნა დიგურამან დო გეჭარეჲი ნა მოგამანფექ მეჩამან. მა ხოლო ნა დობოგურამ შენი გეჭარეჲი ვარ ეპჭოფუმ, ვარ ეპჭოფარე. ჩქიმი ხორონეფე ნენა დო კულტური სქიდაზ, დომიბაღუნ.

ნა ფთфი სთერი ოღინე ორჩაჲლილარ ქულთურჲარდიმლაშმა დერნეღი ბოჩალიშაფი, ოკულე თი ოდთუ – თჰბთ ( თურქ ჰალქ ბილიმლერი თოფლულუღუ ) ბოჩალიშაფი, “დაღარჯიქ“ ბოჩალიშაფი. “ Фოლქთურ-იზ” მებუშфელი. (1995) ვიტონ ჩხორო ოში დო ოთხო ნეჩი დო ვიტო ხუთ წანა მოხთუ შკულე გენკოლეჲი ნა ტუ ( გენკოლეჲი ვარტუ ალა, მუთუთი ვარ იქომტუ ) არჰავი დერნეღი ხოლო ქო გოჲინწკუ. მა მიჯოხეზ. ჰექთი ხოლო ქო გებოჭკი. არ წანა შკულე არჰავილილერ ვაქфი ქო გებდგით. ოჩალიშუ შენი მალთეფეზ დუღუნიში სალონი ნა ოჩილაშაპამტეზ ომერ, შენერ, ერდოღან ოზქაზანჩ ჯუმალეფეში ალთıნბაშაქდუღუნ სალონიზკატა მჟაჩხაზ საათი 10.00 -12.00-ის ბიჩალიშით. ჰემთეფეში ხაკკი ვარ მემაჩამენან. ჰექთი ხოჯალუღი მა პი.ოკულე  “ ანქარა ართვინ დერნეღიქ მიჯოხუ. ჰექთი დიდო წანაფეზ ბოჩალიში.

ოკულე ოდთუ-ზ ნა იჩალიშამან კოჩეფეშენი გრუბი გებდგი. ჯოხოთი “ ოდთÜ – ფერჰოთ “ გებოდვი. ჰეთეფექ ჰაწი თი- კუჩხე მუთეფეში კალა აჲჯე ხალქ’ური ოსთერუფეისთენან.
ოდთუ-ში (60.) სუმე ნეჩი დოწანაზ, (2016 ) ჟურ ვიტოში დო ვიტო აშიზ, მიჯოხეზ, დიდი ოხორჯალეფე დო ქომოლეფე კალა არქაბიში ხორონეფე თულუმი/ გუდათსვირიკალა ბისთერით. ჰექთი ოდთუ – ჰთბთ – Фოსილლერ ჯოხოთე ბისთერთ.
ჟინ ნა ფთфი სთერი, მა ჰაწი კატა მჟაჩხაზ, ანკარაზ ართვინიში ოხორიზ ენნი ჟინ კატიზ ართვინიში ოსთურეფე დობოგურამ. ჰანწო (40)ჟურნეჩი წანა დივუ. ვარ ოხობუშქфი, ბურგულეფე ჩქიმიქ “დუბაღუნ” თქфანა შაქი ბოჩალიშაფარე.

ალი იჰსან აქსამაზი:აწი ტეკაუდი რეთ დო ხემბოში ვა დოხედურთ. ედო კულტურული ნოჩალიშეფე კალა იბოდერთ. მუ კულტურული დულჲაფე იქიფთ ნანანოღა ანკარას?

ქემალ ოზბიჲიკი:მა გეჭარეჲი, ნა ეფჭოფუმტი დულჲაშენ თეკაუდი ბივი. ალა ხოლო ბიჩალიშამ. ბერე ბორტიშენ დონი, ნა მებისადი დო მებოჭარი დო ნა ოკობობღეფე კატა მუთეფე ბოდუზანამ, ხოლო “ხორონი დო ართვინიში ბარეფე” ბოჩალიშაფამ. ხე ჩქიმიშენ ნა მულუნ დულჲაფე ბიქომ. ალა ჰაწი ნა ბიქომ დულჲაფეშენი გეჭარეჲი ვარ ეპჭოფუმ. ლაზური ნენაშენი ოკობიბღა შკულე ხე ჩქიმიშენ ნა მულუნ კატა მუთუ ბიქომ. ოკობიბღეთ, ბიპარამითამთ. მულუნან მიჲუჯამან. მა ნა მიჩქინფე მა ბზოპონ. მასტერი დო დოკტორანტი ნა იქომან კოჩეფექ მა მგორუმან – მძირომან. ჰემთეფეზ მებუშфელამ.

მანი-მანი ხოლო ოკობიბხეთ, ბიპამითამთ. მათი ბიპარამითამ დო ნა მიჩქინ მუნთხანეფე ბზოპონ. აჲჯე ოფუტეფეშენთი მიჯოხომან. ბულუ დო ჰემჲერეფეზთი ხე მეფჩამ. ანკარაზთი ორგანიზეფე ივენ. მებუშфელამ. ორა ივენ მა ბზოპონ, ორა ივენ ბიჲუჯამ. ალა ჰამთეფეში ტეკაუდი ვარ ბივარე. ჰაშოთე ბღუარე ნა კაჲი მიწონზ.

ალი იჰსან აქსამაზ: ქეთაბი თქვანიშენთი ბღარღალათ. ეშო მიჩქინ ქი, გამიჩქვინერი არ ქეთაბი გიღუნან. ქეთაბი თქვანის ჯოხონს ჟინდოლეფე მტვერი მო ივას!” ქეთაბი თქვანი მუნდეს გამიღინუ ნანანოღა ანკარას? აჲა ქეთაბითენ მუეფე ოგნაფაფთ მილლეთის?

ქემალ ოზბიჲიკი:ტეკაუდი ბივი შქულე ნა ოკობობღეფე ბოდუზანუზ ქო გებოჭკი. (320) სუმ ოში დო ეჩი საჲфალონი სვარა ქო გამაბიღი. ჰემუში დოლოხე (48) ჟურე ნეჩი დო ოვრო აჲჯეჭარეჲი ჩქიმი ქო რენ. დოლოხე წოხლე ნა ივეტუფე, ნა ზოფონტეზ დო უჯი ჩქიმითე ნა ბოგნი ქატა მუთუფე, თოლი ჩქიმითე ნა ბძირეფე მებოჭარი.

სфარა ჩქიმიში ჯოხო თურქული გებოდვი. ლაზი ნა ვარენფექთი ოგნან მინონტუ. ლაზური ნა მებოჭარი არ ჭუტა მუნთხანეფეში თურქულითი ( ნა ბიპარამითამთ სთერი ) მებოჭარი. სфარა ჩქიმი “ ქარინაჲაჲინევი “ (2016) ჟურ ვიტოში დო ვიტო ანშიწანაში ღისთინა თუთაზ ( არალიკის ) გამახთუ. ინტერნეტიშენ სვარა ნა გამიჩენ კატა ჲერიშენ ეჲიჭოფენ. 

ალი იჰსან აქსამაზი: ქეთაბი თქვანიშენ არ მექთუბიშენ ქოდოვიგური ქი, თქვან ალამანი რუდიგერ ბენნიგჰაუსი  ბეგი კალათი მანებრობა გიღუნან. აჲა მეგაბრობაშენთი არ-ჟურ ნენათენ ამბარი ქომომჩით, იყვენი?

ქემალ ოზბიჲიკი: მა (24 - 25) ეჩი დო ოთხო- ეჩი დო ხუთ წანერი ბივი შკულე ჩქიმდე მულუტეზ დო ნა ვა უჩქიტეზ მუნთხანეფე “ ჰაჲა მუ ნორენ ქო გიჩქინი – ქო გიღუნი? “ მიწუმეტეზ. ბერე ბორტიშენ დონი ნა ოკობობღი დიდო მუნთხანეფე ნა მიღუნ ქუჩქიტეზ.ჰემ ორაფეზ ჩქიმი შენი “სი დიდო წანერი ნარენ კოჩეფეშიშენ დიდო თიშინერი კოჩი რე” მიწუმუმტეზ. მა ონჯღორე მავეტუ. ალა ნა მიწვანორე ნენაფეთი მომწონდუტუ. წანაფე (1981) ვიტონ ჩხორო ოში დო ოთხო ნეჩი დო არ დივუ დორტუ. მბულორაზ ( ჰაზირანიზ ) ოთხო ( 4 ) თუთალონი მკულე ასქერლუღიშე ანთალჲა’შე ბიგზალამტი. ჰემ ორაზ ხორონი ანქარაზ ჯებეჯიში სტადიზ თუდე ოჩალიშენი ჲერეფე ტუ. ჰექ (100) ოშიკონაჲი ბოზო დო ბიჭიქ ბიჩალიშამტით.

ანკარა ულუსიზ არქაბური ლაზეფეში კოჩეფექ ნა ულუტეზ ლალე კაჰვესიტუ. რუდიგერ, ალმანჲაზ, ლაზური კჲურსუშიასისტანი ტუ დორე. ლაზეფექ ნა ისთენან ხორონეფე შენი თეზი იქომტუ დორე. ჰა დულჲა მუჭო ივენ, სო მაძირენ, მიქ დომოგურასე დეჲინე ალმანჲაზ ნა სქიდუნან არქაბური ქოჭეფეზ კითხუ დორე. ნა კითხუ კოჩეფექთი ჩქიმი ჯოხო თქфეზ დორე. რუდიგერიქთი ანქარაშე ქო მოხთუ დორე. რუდიგერის დიდო კაჲი თურქული დო ლაზური უჩქიტუ. გოჲიკითხუ დორე, “ მა არქაბური ლაზი არ კოჩი ბგორუმ. მუჩო მაძირენ?” რუდიგერიზთი არქაბური რენ ნა, ლაზი რენ ნა, ულუსიზ ლალე კაჰვეშა იდი. ჰეგ ჰე კოჩი ნა იჩინომზ მითეფე ქო ძირომ. “ უწვეზ დორე. რუდიგერიქ ლალე კაჰვეშე ქო მოხთუ დორე. ჩქიმი ჯოხო თქუ შკულე მანა მიჩინომ არ კოჩიქ “ ჰემუქ ჰანდღა ჯებეჯიში სტადიში თუდე ნა რენ ოჩალიშუში ჲერეფეზ ხორონ დოგურამზ. ჰეგ იდი ძირაე.” უწვეზ დორე. რუდიგერი მოხთუ დო მა ქომძირუ. მათი ნა უნონტუ მუნთხანეფე დო ბუწვი. რუდიგერ ხორონიშე დიდო ჲეთენექლი ტუ. ჰემუკალა კატა ნდღა ბიჩალიშით. ნა მულუნ მჟაჩხაზ ხოლო ჯებეჯი სთადიშე მოხთუ. ნა ბოჩალიშაფამაფე კალა ისთერუ. ბერე დო ბიჭეფე კალა იპარამითუ. არ მუნთხანეფე ბღარღალით. ნა უნონტუ კატა მუთუ დო ბუწვი. ნა ბუწვი კატა მუთუ ქო ნოჭარუ. მა არქაბურიშე ბიდი. ჰექშენ ანთალჲაშე ასქერლუღიშე ბიგზალი. ასქერლუღიშენ მოფთი შკულე რუდიგერიქ პოსტათე ლაზური ნა იჭარუ მუნთხანეფე მომინჯღონუ. მათი ჰემუზ მექთუბი მებუჭარი. (1984) ვიტონ ჩხორო ოში დო ოთხო ნეჩი დო ოთხო წანაზ ნა მომიჭარუ მექთუბიშენ ოკულე ჰემუგ ვარ მომიჭარუ, მა თი ვარ მებუჭარი. მა (1984)ვიტონ ჩხორო ოში დო ოთხო ნეჩი დო ოთხო  წანაზ, ნა მომიჭარუ მექთუბი დოფშინახი. ნა მომინჯღონუ ხეთე ნა ვეზ არქაბურიში ქჲოჲი დო გოლაფეში ხარიტათი დოფშინახი. ხეთე ვეზ დორტუ მარა, ჟურ ქჲოჲიში ჯოხო აჲჯე ჲერიზ ვეზ დორტუ. მაჟურანეფე ირი ისა ტუ.

რუდიგერი(2002) ჟურ ვიტოში დო ჟურწანაზ ხოლო ანქარაშე მოხთუ დორე. არჰავილილერ ვაქфიშე მოხთუ დო ხოლო ლაზური ხორონი, ლაზური ნენა, ლაზური კულტური ნა მიპარამითასე თიშინერი არ კოჩი მოძირით თქუ დორე. ჰემინდორაზ ვაქიфიზ ნა იჩალიშამზ ბოზოქთი ჩქიმი ჯოხო მეჩუ დორე. “ ტელეфონი გობუმწკათ. იპარამითი.” უწუ დორე. ალა ჰემორაზ ჰემუ კალა ვარ ბიძირით. რუდიგერიქ ნა უნონტუ მუნთხანეფე მა ქომეფჩი. ალა ჰემუქ აჲჯე იპარამითამტუ. მა ჰემუზ “ ჭუბუტა ბერეფე კალა ჰაშო მოთ იპარამითამ, ჰემთეფექ ოკულე აჲჯე დულჲაფე ქო მეშულუნან კაჲი ვარ ივენ. “ ბუწვი დორტუ. ჰემუშენი ჩქიმი კალა ვარ იპარამითუ მიჩქინ / დოლომანგონენ. რუდიგერი ჰაწი ალმანჲაზ უნივერსითეზ ხოჯალუღი იქომზ დორე. არ – ჟურ ნა ჭარუ მუნთხანეფე ინტერნეტიზ ქორენ. მარა ნა ჭარუ ნენაფე ისა რენი? ჰეჲა ვარ მიჩქინ.

ალი იჰსან აქსამაზი:ქემალ ბეგი, ჩქვა კულტურული პროჟეფე გიღუნანი? მაჟურა ქეთაბი ოჭარუშა მერაღი გიღუნანი?

ქემალ ოზბიჲიკი:(2007) ჟურ ვიტოში დო შქვითწანაზ, Фუნდა ოზჲურთ’იქ ნა ვუ “ლაზლარ 4000 ჲილლიქ თარიჰ“ ჯოხონი ბელგესელიზ მებუშфელი. ნა მიჩქიტუფე ბუწვი. ლაზური ხორონეფეში ვიდეოფე გამიღუ. ბელგესელიში ინტერაკტიф დვდ -იზ ხორონეფე ჩქუნი რენ.

სუმ სვარა ნა გამაბიღარე კონარი მუნთხანეფე ქო მიღუნ. ჰაწი (2.) მაჟურანი სვარა გამიღუში დივუ. ალა ჰემუშენი დო მაჟურაფეშენი გეჭარეჲი მინონ. გეჭარეჲი ბძირა შკულე ჰეთეფეთი გამაბიღარე. ქო გამამიღასეჲი ვარ მიჩქინ. ანქარა’ზ ლაზი მართეფე კალა ოკობიბღეთ. ნა მიჩქინანფე ართიქათიზ მეფჩამთ – ებუჭოფუმთ. მა ხოლო ბგორუმ. ნა მაძირუ მუნთხანეფე ისა რენი გობიწკე. ისა ნარენფე მებოჭარამ. ჰამ დღალეფეზ სითი ძირომ. ინტერნეტიზ ისა რენი – ვარენი ნა ვარ მიჩქინ, არ მუნთხანეფე ოწირამან. ლაზური ნა ბიპარამითამთ ართიქათი კალა ბიჭკომეთ.

ქემალფაშა- ხოფა- არქაბი – ბორჩქა – Фინდიქლი – არდაშენ- ჩამლıჰემშინ – ფაზარ, ლაზური ნა უჩქინან კოჩეფეში ოფუტეფე რენან. აჲჯე ოფუტეფექ ნა ბიპარამითამთ ნენაფე ვარ ბოგნამთ. ჰაწი ლაზური ნენა დო კულტურითე გეჭარეჲი ნა მოგამზ მინთხანეფე ქო გამახთუ. ჰათეფე ისა დულჲა რენი, ვარ მიჩქინ. უჯიში ოფშა მუნთხანეფეთე ისა რენ სთერი ნოჭარამან ნა იკიხანეფექ ჰექ ნა ნიჭარუ მცუდეფეთი ისა დაწონენან. ჰემინდორაზ მცუდეფე ისა სთერი ქო ნიჭარენ. ვარ ოკობიბღათში, ნა მიჩქინან მუნთხანეფე ვარ ბიპარამიტამთში, ნა მიჩქინან ისა მუნთხანეფეთი ჩქუნი კალა ღურასე.

ჩქუ მუფე ბიქომთ? “სი ნა ზოპონ ისა ვარენ, მანა ბზოპონ ისა რენ. სი ვარ გიჩქინ, მა ქომიჩქინ. სი ისა კოჩი ვა რე, მა ისა კოჩი ბორე.” ბზოპონთ დო ორა გოლობუშქუმეთ. ჩქუნი დიდეფექ ჰამ დულჲა ვარ ოდუზანეზ დო დოღურეზ დორე. ჰემთეფეს ნა ვარ ახენეზ კატა მუთუთი ჩქუ ვარ ბიქომთ. ოხენუშენი ვარ,თი-ჩქუნიშენი,გეჭარეჲიშენიბიჩალიშამთ. ლაზურიშემუთუ ვარ მეფჩამთ. ბიჭკომეთ დოლაზურიკატამუთუბოღურინამთ. მა ჰაშო მაძირენ,ჯუმა ჩქიმი! ისა ბძირომი, ვარ მიჩქინ.

ალი იჰსან აქსამაზი:ქემალ ბეგი, მა შუქური გიწუმერთ. მა აჲა ინტერვიუთენ დიდო ვიხელი. ღორმოთიქთი თქვან გოხელას.  გინონან ნა, ვოჩადინათ.თქვან ოთქვალუში ჩქვა ნენაფე გიღუნან ნა, ენთეფეთი მიწვით, მუ იყვენ! ღორმოთიქ ბერე-ბარი კალა პანდა გოხელას დო პანდა იხელით!

ქემალ ოზბიჲიკი: ლაზური ნენა, ნა ღურასე ნენაფეში ენნი ოღინე რენ, ჯუმა ჩქიმი. თიშინერი კოჩეფექ ვარ ოკობიბღით ნა, ნენა ჩქუნითი ღურასე. ჩქუთი ბღურათე. ლეტაშე გემორენანორე. ჰექოლენი კიჲანაშე ბიდათ შკულე, ღორმოთი ჩქუნიზ მუ ბუწვათე? ბიჭკომით, ბიჭკომით დო ორა დომაჩოდეზ, ბუწვათერი? მუ რენ დო ვარ ოკომართენან? ჰექოლენი კიჲანაშე მიქ მუ აღუ? ჩქუ მუ მაღანორე? ოკობიბღათ დო “მა” მოთ ფфათ;“ჩქუ”ფთქфათ.” მეფჩათ – ეპჭოფათ დო ისა მუნთხანეფე პათ მინონ. მახენანორე ჲი? დიდო კოლაჲი ვარენ. კარარეფეთე, მსქфალეფეთე, კაი ნდღალეფს ბიძირათ. ჰა ნა მებოჭარით მუნთხანეფე ნა იკითანენფეშე ღორმოთიქ ნუშфელაზ. ღორმოთიშე ნა დანდვეზ კარი მუნთხანეფე ღორმოთიქ დოვაზ.

aksamaz@gmail.com

http://www.08haber.com/makaleGoster.php?page=yazar&file=yazarlar&yazid=31&id=2956

http://www.08haber.com/makaleGoster.php?id=4157