TÜRKÇE ŞARKILARIN LAZCA SÖZLERİ - TURKULİ BİRAPAPEŞİ LAZURİ T̆EKST̆EPE

TURKULİ BİRAPAPEŞİ LAZURİ T̆EKST̆EPE

Aya Turkuli birapapeşi t̆ekst̆epe Lazuri nenaşa goktiru Rametli  Viʒ̆uri Osman Ozelik…

RASTİ BİRAPA (1)

Mis uçkin ar ç̆umani moxtare, ala ora golaxtimeyirt̆asen,
Guri, ok̆oʒ̆k̆uşi ğvini, xlip̆i xlip̆i şveyirt̆asen.
Mskvart̆uk̆oti var maceren haʒ̆işkule nenapeskanis,
Purkinora çodineyirt̆asen. 
Guri, ok̆oʒ̆k̆uşi ğvini, .......... 

RAST ŞARKI

Kim bilir (Belki) bir sabah geleceksin, lakin vakit geçmiş olacak,
Gönül hicran şarabını, yudum yudum içmiş olacak.
Güzel de olsa inanmam artık senin sözlerine,
Bahar bitmiş olacak.
Gönül, hicran şarabını...
(Yıldırım Gürses)

MUHAYYER KÜRDİ BİRAPA (2)

Gonç̆elu ʒ̆anapes k̆itxi, mendra, gzalepes k̆itxi 
Ma çkvalepes mot k̆itxum, hem gyemzuleyi k̆ulepes k̆itxi 
K̆inoni xepes k̆itxi, mç̆ipeşi şkapes k̆itxi
T̆ot̆imuşis ali elankteyi mapşalyas, naiskit̆en dadalepes k̆itxi.
Hem ç̆veyi turkiskanis k̆itxi, hem nagolulun skidalaskanis k̆itxi
Xark̆is mot mgorum si ma, e şurimşine guriçkimis k̆itxi

(Ali Şenozan)

HİCAZİ BİRAPA (3)

Çkimi oropeyi moxtimumuşişen içkinen
Kçe xepemuşi ink̆ili ink̆ili purkoni ren
Met̆aksi got̆k̆aloni, mç̆ipe şkaoni ren
Mç̆ipe şkapemuşi gak̆ori ya miʒ̆u ma.
Moxti moxti aman moxtimuskanis
İžiʒi ižiʒi aman ožisinuskanis k̆urbani
biya.

(S. Kaynak)

MAHURİ BİRAPA (4)

Ham oropa mu loʒa, mu loʒa, mu loʒa, mʒudi
İyoropi do e guri, mʒika, mʒika, mʒika koxakti
Skidalas mu uğun xepes na doskidun
İyoropi do e guri, mʒika ....

(Dr. Şükrü Şenozan)

HÜSEYNİ BİRAPA (5)

Skande komiçkin varen çkimda mentvala ey dadali
Dadaliş yaği xark̆epek isumes t̆k̆vaʒuk̆oti mapşalya
P̆ik̆oti var iyen danžişi ç̆valas menç̆inu
Dadaliş yağı xark̆epek ....

(Tanburi Ali Efendi)

HUZZAMİ BİRAPA (6)

Guriçkimik dotanaşi ixisteyi, t̆otişen t̆ot̆işa barik̆o ya zop̆ons 
Epstvik̆o purkinoraş ğvaristeyi,
k̆odape gyeboktik̆o do golobilik̆o ya zop̆ons
Stveliş ora vamoxtaşa, enceli moxta do vamemç̆işaşa 
Hem mançxaşen ham mançxaşa, bižğaşakis pşvik̆o ya zop̆ons
Guriçkimik dotanaşi ixisteyi ...

(Sadettin Kaynak)

GERDANİYE BİRAPA (7)

Hem gemape gamaxoniren, mkveyi oxenu do onʒoroni ren
Doloxeçkimik dinʒxiyi ibgars, oropeyiçkimi vamažiruşendoni
Uy uy otkuşa mopti, oropeyi ožiyuşa mopti
Bereçkimi pupuli so giğun, melhemi oapuşa mopti.
Gemapek omç̆u ma, na ažiruk gyemabgaru ma
Ok̆omʒ̆k̆u zalumi feleğik, gyemzulus komemok̆oru ma
Uy uy otkuşa mopti ...
Ham gemaş k̆ap̆ulaşen, dobğuri oropeyiş oropaten
Miçkirt̆uk̆o ok̆oʒ̆k̆imu ren, bidart̆i k̆apulamuşişen
Uy uy otkuşa mopti ...

(Fahri Kayahan)

Bursauri reyi

Bursauri reyi k̆at̆ufoni nusa, nç̆alaşen golaxtiyi 
Ğvalepe skani mç̆ita mç̆ita diyudoren, k̆onyaği şviyi?
Napşvit k̆onyaği, elaç̆k̆oma k̆aymaği
Si mişi yariye bereçkimi irsoti skani ink̆ans
Mankanas si gyexedi, paytonis ma
Si nanamuşi eç̆opi bereçkimi bozomuşiti ma.

İrsoti mʒ̆k̆upi

 İrsoti mʒ̆k̆upi, kyonas doloxe hem sva
Gyulva reni, vana sapuleyi ya Rab
Vanati gurinadizdamsşi oncire reni ya Rab
İzmoce varen, mtilana heşo iyu.
Sapulemuşi purkepeten ar turbe duyudoren
Goyiktudoren hem turbe ar noğamisaş k̆odaşa
Ar noğamisaş k̆odaşa goyiktudorenna hem turbeskani
Gonʒ̆k̆i xepeskani, oropeyiskani bore ma.

NİHAVENTİ BİRAPA (8)

Ğomamci gamažiʒinupe yulurt̆uşa oxoritkvanişen
Ma bort̆i ey oropeyi, nagolit̆u sandalite mzuğaşen
Guriçkimiten mendralepes mtel ar seris tkvanden
Ma bort̆i ey oropeyi, na golit̆u ...

Ğoma okoxunaçkunis ar mcveşi xeloba kuğurt̆u
Saziş sersepe taki dotanuşa körfezi dok̆oru
Mundesti ʒ̆k̆arepek birapape ʒ̆k̆uminamt̆uşa gontanu
Ma bort̆i ey oropeyi, nagolit̆u ...

(Muzaffer İlkar)

Dün kahkahalar yükseliyorken evinizden
Bendim geçen ey sevgili sandalla denizden
Gönlümle uzaklarda bütün bir gece sizden
Bendim geçen ey sevgili ...

Dün bezmimizin bir ezeli neşesi vardı
Saz sesleri ta fecre kadar körfezi sardı
Vaktaki sular şarkılar inlerken ağardı
Bendim geçen ey sevgili ...

SEGÂHİ BİRAPA (9)

Tolepeskanişen oşu guriçkimik xeloba
Skande dobiguyi gurişen oropa
Mejilu oropaskanik tolepeçkimişen mtel mutu
Skande dobiguyi gurişen oropa
Dr. Şükrü Şenozan

Gözlerinden içti gönlüm neşeyi
Senden öğrendim gönülden sevmeyi
Sildi aşkın gözlerimden her şeyi
Senden öğrendim gönülden sevmeyi

KURDİLİ HİCAZKÂRİ BİRAPA (10)

Ham daçxuri si migzi doloxeçkimi, moxti do si noskurini
Golilu gonç̆eluten ndğalepeçkimi, haʒ̆i ar ya gokti
Boʒ̆k̆er ʒ̆anape ren gzaskanis, moxti domožiʒini
Golilu gonç̆eluten ndğalepeçkimi, haʒ̆i ar ya gokti. 

(Necdet Tokatlıoğlu)

Bu ateşi sen yaktın içime, gel de sen söndür
Geçti hasretinle günlerim, hadi geri döndür
Bakıyorum yıllardır yoluna, gel beni güldür
Geçti hasretinle günlerim, hadi geri döndür.

UŞŞAĞİ BİRAPA (11)

Komažiruna si, şuriçkimis amaxti, eşantxori ma var giʒ̆vi ya
Gaoropina si, guris daçxuri dolodvi, ma var giʒ̆vi ya
Varen, hak̆onayi oç̆vuşa guriçkimis menç̆inu
Gaoropina si, guris daçxuri dolodvi, ma var giʒ̆vi ya.

(Fehmi Tokay)

Gördümse seni, ruhuma gir oy, demedim ya
Sevdimse seni, kalbe ateş koy, demedim ya
Yoktur, bu kadar yanmaya gönlümde tahammül
Sevdimse seni, kalbe ateş koy, demedim ya

ACEM KÜRDİ BİRAPA (12)

Ar umenk̆oru oropeyis kodolobli ma çkar var molomişinams
Ğvinepek purkepek tipepek guriçkimi var oxelinams
Mu p̆ik̆oti ç̆urump̆i fidaniçkimik gyemzuluşen var moşletinams
Ğvinepek .....

(Selanikli Ahmet Bey)

Bir vefasız yare düştüm hiç beni yadetmiyor
Badeler güller çemenler gönlümü şadetmiyor
Her ne yapsam nev-i nihâlim gamdan azad etmiyor
Badeler güller ....

ACEM KÜRDİ BİRAPA (13)

Oropeyi komiçkin si ma obgaroni mʒ̆opxare
İzmocesi vana mundes moxelinare
Ozmonupeçkimiş ʒ̆k̆artoli ren loʒa oʒ̆k̆omiluskani
İzmocesi vana mundes moxelinare.

(Ekrem Güyer)

Cânân bilirim sen beni nâlan edeceksin
Rüyada mı yoksa ne zaman şad edeceksin
Hülyalarımın menbaıdır tatlı nigâhın
Rüyada mı yoksa ne zaman şad edeceksin

ACEM KÜRDİ BİRAPA (14)

Oropaş k̆anoni meyamç̆arik̆on
Kimi medepe ixik kezdums ulun
Kimi çkimisteri oroms gurişen
Kimi skanisteri xark̆ iyen ulun

Dunyas ar purkora ar monç̆inora
Mtel gzas ar çodina gyeç̆k̆apa kuğun
Mtel oropaşkule çilambre koren
Gyulun mç̆veti mç̆veti ğvar iyen ulun

Mʒudişi mot çumer xtimer ndğalepe
Haşo mu gaxenen mcveşişendoni
Kimi çkimisteri oroms gurişen
Kimi skanisteri xark̆ iyen ulun

(Sadettin Öktenay)

Aşkın kanununu yazsam yeniden
Kimi ümitleri yel alır gider
Kimi benim gibi sever gönülden
Kimi senin gibi el olur gider.

Dünyanın bir yazı bir kışı vardır
Her yolun bir sonu bir başı vardır
Her aşkın sonunda gözyaşı vardır
Akar damla damla sel olur gider

Boş yere bekleme geçen günleri
Böyledir ne yazık ezelden beri
Kimi benim gibi sever gönülden
Kimi senin gibi el olur gider.

GERDANİYE BİRAPA (15)

Kervaniçkimi var golulun mrviriten, guriçkimi iç̆ven daçxuriten
Turnape moxtesk̆o hekolen, ambayi moyiğesk̆o oropeyişen
Met̆aksi msvaoni turnape, oropyiçkimik k̆urbetis sontxa ibgars.

Var moomalu hem germape, var golomalu ham bağupe
Opşa jur ʒ̆anaşendoni var mažiru nazoni oropeyi
Met̆aksi msvaoni turnape, oropyiçkimik k̆urbetis sontxa ibgars

(Zeki Duygulu)

Kervanım geçmiyor kardan, yüreğim yanıyor nardan
Turnalar geçse diyardan, haber getirseler yardan
İpek kanatlı turnalar, yarim gurbet elde ağlar

Aşamadım şu dağları, geçemedim bu bağları
Tamam iki yıldan beri göremedim nazlı yari
İpek kanatlı turnalar, yarim gurbet elde ağlar.

SUZİNAK BİRAPA (16)

Haʒ̆i mendralepes re, guri ok̆oʒ̆k̆imuşi ç̆valaten oyipşu
Çkar var ok̆omaʒ̆k̆inen ma bzop̆ont̆işa, ok̆oxtimu ozmonuşi diyu
Oropaş livadepeşi purkepe, mtel dijvalu
Çkar var ok̆omaʒ̆k̆inen ma bzop̆ont̆işa, ok̆oxtimu ozmonuşi diyu.

(Zeki Müren)

Şimdi uzaklardasın, gönül hicranla doldu
Hiç ayrılamam derken, kavuşmak hayal oldu
Sevda bahçelerinin çiçekleri, hep soldu
Hiç ayrılamam derken, kavuşmak hayal oldu.

SULTANİYEGÂHİ BİRAPA (17)

Çku Heybeli's k̆at̆a seris tutasteşa gamabit̆it
Sandalepeçkuni oxelate oyipşen, nostonis mebadgert̆it
Saziş sersepe mzuğaşi mzgas na mat̆ert̆u orapes
Gomtumani, mtel, birapa, gazelepeten dop̆ç̆umt̆it. 

(Yesari Asım Arsoy)

Biz Heybeli'de her gece mehtaba çıkardık
Sandallarımız neş'e dolar, zevke dalardık
Saz seslerinin, sahile aksettiği demler
Etrafı, bütün, şarkı, gazellerle yakardık.

NİHAVENTİ BİRAPA (18)

Golilu skidalaçkimi xoloti çkva ma hem şilya gyemzuluten bore
Dotkvi şvelamuşi ey oropeyi oropaşi miçkirt̆as
Haşo okoʒ̆k̆uşi gyemzuluten ma ar nak̆o mʒ̆k̆umina
Dotkvi şvelamuşi ey oropeyi oropaşi miçkirt̆as 

(Selahattin Pınar)

Geçti ömrüm yine hala ben o bin dert ileyim
Şöyle dermanını ey sevgili aşkın bileyim
Böyle hicran eleminden nice bir inleyeyim
Söyle dermanını ey sevgili aşkın bileyim.

MUHAYYER KÜRDİ BİRAPA (19)

Ar mç̆ita purkik̆umpuris nungams çabriskani
Nagontxums ar purki re si ham mbağus
Gyeyidgen gurepes oropaşi çergeskani
Mis uçkin nam guriren dodginoniskani.

İri naažirenk ubas komebik̆idik̆o si ya zop̆ons
Kimik daçxuristeyi omç̆vi ma ya zop̆ons
Kimik billuri oʒ̆k̆omiluskanişi isinapams
Mis uçkin nam guriren dodginoniskani.

(Amir Ateş)

Bir kızıl gonca ya benzer dudağın
Açılan tek gülüsün sen bu bağın
Kurulur kalplere sevda otağın
Kim bilir hangi gönüldür durağın.

Her gören göğsüme taksam seni der
Kimi ateş gibi yaktın beni der
Kimi billur bakışından söz eder
Kim bilir hangi gönüldür durağın.

NİHAVENTİ BİRAPA (20)

Mtel si moxtare ya otkuten
Gamaçodineri mebaşkvi guriçkimi
Momoğordini ma zalumi
Soren namaoropart̆i ?
Domoçvapi ma zalumi
Soren namoxtart̆i ?

Haʒ̆işkule p̆icis mot memožisam çkimi
Ar fara xolo mot mç̆um ma
Momoğordini ma .....

(Erol Sayan)

Hep sen geleceksin diyerek
Boş bıraktım kalbimi
Aldattın beni zalim
Hani sevecektin ?
Beklettin beni zalim
Hani gelecektin ?

Artık yüzüme gülme benim
Bir daha yakma beni
Adattın beni ....

KARCIĞARİ BİRAPA (21)

Tolepemuşi hem tutap̆iconişi ala ren
Dido mot oʒ̆k̆er ala varen bela ren
Kiana ham belaşi gyegapeyi ren
Dido mot oʒ̆k̆er ala varen bela ren.

(Lemi Atlı)

Çeşmanı o mehveşin elâdır
Pek bakma elâ değil belâdır
Alem bu belâya müpteladır
Pek bakma elâ değil belâdır.

UŞŞAKİ BİRAPA (22)

Purkepeşi doloxe si uçkimeli naažiru iyudoren.
Guriçkimi p̆iciskanişi peris yoludoren do simadi diyudoren
Bogniki, hem mskva tolepeskanis na aoropu dido iyudoren
Guriçkimi p̆iciskanişi peris yoludoren do simadi diyudoren.
Şükrü Tunar

Güller arasında seni bensiz gören olmuş 
Gönlüm yüzünün rengine düşmüş de ben olmuş
Duydum ki, güzel gözlerini çok seven olmuş
Gönlüm yüzünün rengine düşmüş de ben olmuş.

BEYATİ BİRAPA (23)

Guriçkimi xolo gyemzuleri si mologişini do doloxendoşen
Golapti xolo ğomamci mcveşi stveloraş livadepeşen
Gyemzuleri do t̆axeristeyi enni mç̆ipe sotimuşişen
Golapti xolo ğomamci mcveşi stveloraş livadepeşen.

(Selahattin Pınar)

Kalbim yine üzgün seni andım da derinden
Geçtim yine dün eski hazan bahçelerinden
Üzgün ve kırılmış gibi en ince yerinden
Geçtim yine dün eski hazan bahçelerinden.

EVİÇİ BİRAPA (24)

Dibaden skidalaçkimişa ar eçidoovro ʒ̆anaşi mjora
Ar k̆inçis xe na gyelusvaresteyi si tomalepeçkimis xe gyelemisumert̆aşa
Mebaşur xepeskanis purkepes na mebaşuramsteyi ma
Mcixiskanişen ep̆ç̆opum inoraş ndğas ar monç̆inoraş daçxuri. 

(Sadettin Kaynak)

Doğuyor ömrüme bir yirmi sekiz yaş güneşi
Bir kuş okşar gibi sen saçlarımı okşarken
Koklarım ellerini gülleri koklar gibi ben
Avucundan alırım kış günü bir yaz güneşi.

Aya Turkuli birapapeşi t̆ekst̆epe Lazuri nenaşa goktiru Rametli  Viʒ̆uri Osman Ozelik…

aksamaz@gmail.com