İptineri Kortul-
Margaluri Zit̆apuna gamiçkvinu
İptineri Kortul- Margaluri Zit̆apuna
gamiçkvinu Gurcistanişi nananoğa Tbilisis.
Alio Kobaliaşi zit̆apuna kogamaxtu gamamçkumale
Art̆anucişen. Zit̆apunas 100 şilya k̆onari zit̆a gežin. Apxazeti do Samargaloşi
xalk̆işen nok̆orobe zit̆ape k̆ala ʒ̆oxleşen gamiçkvineri Margaluri folk̆lorul-
etnografiuri mat̆eryalepeşen nok̆orobe zit̆apeten ʒ̆opxineri ren aya zit̆apuna.
Zit̆apunaşi edit̆orepe renan Nona Kobalia do Nana
Kobalia. Zit̆apuna gamiçkvineren Xareba Mağvinobaşi Fondişi omxvacuten.
Alio Kobaliaşi Margalur- Kortuli Zit̆apunati
gamiçkvineret̆u gamamçkumale Art̆anuci şk̆elen 2010 ʒ̆anas. Aya zit̆apunas 90
şilya k̆onari zit̆a gežin.
Filologi, jurnalist̆i do şairi Alio Kobalia dibadu
1927 ʒ̆anas noğa Zugdidişi rayoni Çxoroʒ̆quşi oput̆e Lekobales. Soxumişi
P̆edagojişi İnst̆itut̆işi Filolojişi Fak̆ult̆et̆işen gecginobaten dimezunu.
1952 ʒ̆anaşen 1992 ʒ̆anaşak noğa Oçamçires skidu do Oçamçireşi muxuruli
gazetaşi redak̆ʒias içalişu. Soxumis gamiçkvineri ardido ketabişi mç̆aru ren.
Rusuli, Kortuli, Margaluri, Lazuri, Apxazuri nenape kuçkit̆u. Alio Kobalia
domiğures 2006 ʒ̆anas noğa Zugdidis.
https://sonhaber.ch/ilk-gurcuce-megrelce-sozluk-yayinlandi/
http://circassiancenter.com/tr/ilk-gurcuce-megrelce-sozluk-yayinlandi/
