ali ihsan aksamaz: 4. პაპაზეфენდი დო მამგურაფალეში მოკითხა

4. პაპაზეфენდი დო მამგურაფალეში მოკითხა

- - არ ნდღას ოფუტეში პაპაზეфენდიქ პაპუ სქანიში ფაცხაშა ქომეხთუ!

- -ჰო, მოკითხუ შენი ქომეხთერეტუ. არ ხანუმი კალა ქომეხთერეტუ. იფთი მუთუ ვა მევაგნი მა. მა დიდო მახელუ.

- - მოკითხუშა ქომეხთერეტეს, ჰოი?! პაპული სქანი, მუსაфირიში მოკითხუშა გეგაფერი ვა რტუ!

- - ჰო! მოკითხუშა ქომეხთერეტეს.

- - ოფუტეში პაპაზეфენდის მუ ჯოხონტუ?

- - პაპაზეфენდის შულტზი ჯოხონტუ.

- - ემ ხანუმის მუ ჯოხონტუ?

- - ემ ხანუმის ელსა ჯოხონტუ.

- - ელსა ხანუმი, შულტზიში ჩილი რტუ ჲა გაჩქინეტუ იფთი!

- -ჰო, ეშო მაჩქინეტუ იფთი. ენჯამი ჭიჭიტა ბერე ვორტი მა!

- - ელსა ხანუმი მი ტერენ. ელსა ხანუმიქ მუ დულჲა იქიფტუ?

- - ელსა ხანუმი ოფუტეში ნწოფულაში მამგურაფალე რტერენ. კაი გურონი რტუ. თი- მოწონერი ვა რტუ. მსქვა თოლონი დო გინძე თომალონი ხანუმი რტუ. ძიცინაჯე რტუ.

- - პაპული სქანის ენთეფე კალა ოღარღალუშა ჩქარ ნიჲეთი ვა უღუტუ! ეშო ქომშუნს მა!

- - ჰო, მთინი ზოპონ სი. პაპული ჩქიმის ენთეფე კალა ოღარღალუშა ჩქარ ნიჲეთი ვა უღუტუ.

- -პაპაზეфენდი დო ელას ხანუმიქ მუშენი ქომეხთერეტეს პაპული სქანიში ფაცხაშა?

- -ჩქიმი შენი ქომეხთერეტეს ენთეფე. პაპული ჩქიმი კალა ჩქიმი ხალიშენ ოღარღალუ შენი ქომეხთერეტეს. ენთეფექ მა მგორუფტეს.

- - მუშენი სი გგორუფტეს ენთეფექ?

- პაპაზეфენდი დო მამგურაფალეს მუ უნტეს?

- - პაპაზეфენდი დო მამგურაფალექ პაპული ჩქიმის იზნი აკვანდეს.

- -მუშენი ემუს იზნი აკვანდეს ენთეფექ?

- -პაპული ჩქიმის ჩქიმი გურაფა შენი იზნი აკვანდეს ენთეფექ. პაპული ჩქიმიქ კილისე დო ნწოფულაშა ოხთიმუშა იზნი ვა მომჩაფტუ.

- - მუშენი პაპული სქანიქ იზნი ვა მექჩაფტუ კილისე დო ნწოფულაშა ოხთიმუშა.

- -კილისე დო ნწოფულაშა თოლი ვა უღუტუ პაპული ჩქიმის დო ემუშენი.

- -მუშენი კილისე დო ნწოფულაშა თოლი ვა უღუტუ პაპული სქანის?!

- -პაპული ჩქიმიქ ოფუტეში ხალკის ვა ყოროფტუ ემინდროს?

- -პაპული სქანიქ მუშენი ვა ყოროფტუ ხალკის ემინდროს?!

- - ბაბა ჩქიმის ნანა ჩქიმი კალა ოჩილუ უნტერენ, მარა პაპული ჩქიმიქ აჲა ოჩილუ- ოქიმოჯუს ნოდგითერენ. ოფუტეში ხალკიქ აჲა ოჩილუ- ოქიმოჯუს ნუმხვაჯერენ. ემუშენი პაპული ჩქიმიქ ვა ყოროფტუ ოფუტეში ხალკის. ნანა- ბაბა დომიღურუში, ოფუტეშენ მენდრანი რაკანის გეკიდერენ აწინერი ფაცხა მუში დო დიბარგერენ.

- - პაპაზეфენდი დო მამგურაფალეს მუ უნტეს პაპული სქანიშენ?

- - მამგურაფალე ხანუმიქ, ჰაიდიქ ნწოფულას იგურას ჲა უწუ. პაპაზეфენდიქთი, ჰაიდიქ კილისეშა მოხთას ჲა უწუ.

- -პაპაზეфენდი დო მამგურაფალე ხანუმიქ სი ნწოფულა დო კილისეშა ქჩუმერტეს.

- -ჰო, მა ნწოფულა დო კილისეშა მჩუმერტეს ენთეფექ. ნწოფულა დო კილისეშა მა მიჭანდეფტეს.

- -პაპული სქანი რაზი იყუი?! სი ნწოფულაშა მენდეგოჩქვუი პაპუ სქანიქ? მჟაჩხას სი კილისეშა მენდეგოჩქვუი პაპუ სქანიქ?

- -ვარ, მუთუთენ რაზი ვა იყუ პაპული ჩქიმი. კილისე დო ნწოფულაშა ოხთიმუშა მუთუთენ იზნი ვა მომჩუ პაპული ჩქიმიქ. ვართი კილისეშა დო ნწოფულაშა მენდემოჩქვუ პაპული ჩქიმიქ, ვარტი კილისეშა მენდახთუ.

- - კარარი მეჩამერი ტერენ! პაპული სქანიქ სქანი გურაფაშა ნოდგითუ დო ნწოფულაში გზა გეგიღობუ.

- -ჰო, ნწოფულაში გზა გემიღობუ პაპუ ჩქიმიქ.

- - პაპული სქანიქ სქანი ხვამაშა ნოდგითუ დო კილისეში გზა გეგიღობუ.

- -ჰო, ქილისეში გზა გემიღობუ პაპუ ჩქიმიქ.

- -ედო თოლის ჩელამურე ქოდოლომიდგუტუ.

- პაპული სქანიქ პაპაზეфენდი დო მამგურაფალეს ნუშველუი?

- -ვარ, პაპული ჩქიმიქ სქანიქ პაპაზეфენდი დო მამგურაფალეს ჩქარ ვა ნუშველუ! პაპაზეфენდიში ნოთქვამეფეთენ დიდო დიშუმუ დო ემუს უბეჯღუ.

- - ხე მუშიშენ დუდი სქანი ვა მოგაშლეთინუ სი. მითის ემუშა ნენა ვა ათქვეტუ.

- -ჰო, ხე მუშიშენ დუდი ჩქიმი ვა მომაშლეთინუ მა.

- - მუშენი პაპული სქანიქ ენთეფეს ვა ნუშველუ?

- -პაპული ჩქიმიქ ოფუტეში ხალკი მანებრა ვა შინაფტუ დო ემუშენი!

- -მარა ნწოფულაშა დო კილისეშა თოლი გიღუტუ სი. ნწოფულას ოგურუშა დო კილისეს ოხვამუშა თოლი გიღუტუ სი!

- - ჰო, ნწოფულას ოგურუ დო კილისეს ოხვამუ გურის მეშამიხეტუ მა!

- -გური ჩიჩქუ დოგაყუ. ნწოფულა დო კილისეშა ოხთიმუ გურის მეკაგილაფტუ. მარა გზა გენკილერი რტუ ოფუტეშა.

- -მთინი გიჩქინ! გური ჩიჩქუ დომაყუ. პაპული ჩქიმიში აჲა კარარი დიდო პატი მაწონუ მა. დოვიგემზული! ნწოფულა დო კილისეში ორანცკირონიში სერსი ვოგნიში, შიკინერი- შიკინერი ვიმგარტი. გური ჲეფშერი ვიმგარტი მა. ყალი დო ყუჯიშა ვიმგარტი მა. ჩარე ვა მიღუტუ. თი- კუჩხეთენ ტეტელი ვორტი მა. დელი დერვიში სთერი გოვულურტი ფაცხა დო ავლის. მარა ხოლოთი იროთე ომუდი ქომიღუტუ მა, ნწოფულა ექ გელადგიტუ, კილისე ექ გელადგიტუ. ვაჲ თი ჩქიმის! თოლის ნჯირი ვა მეშულუტუ. ჩელამურე დიდო მეფხვი მა, გიჩქიტას!

- -ყინორა მოხთუში, მუეფე ყვით თქვან?

- - ყინორა მოხთუში, დიდო მთვირი დომთუ. ალპეფეში ადეთი ეშო რენ, დიდო მთვირონი. დიდო ყინი დო მთვირი დიყუ. მთვირიქ დომფულუ ბუნჯინა, მთელი ხოლო. ხჩეში მეტა ფერი ვა იძირეტუ ბუნჯინას.

- -თქვან მუეფე იქიფტით ფაცხას? აწინერი სთერი ვა რტუ ოფუტეში სქიდალა!

- -მა ნოღა მაჲენфელდის დადი ჩქიმი კალა ვორტიში, მჟაჩხაში ნწოფულაშა მევულურტი. აწი პაპული ჩქიმი კალა ხელებერი ვორტი, მარა მა მჟაჩხაში ნწოფულა დო ექონი მანებრაფე ჩქიმი გომანჭელუ. პაპული ჩქიმის დიდო ვაკვანდი.

- -სი პაპული სქანის მუ აკვანდი?!

- პაპული ჩქიმიქ ალბონი ოგურუს დო დინური პაშურაფე ოკითხუს მა მემიშველას, ეჲა ვაკვანდი მა.

- -მუ ყუ პაპული სქანიქ? სი მეგიშველუი ემუქ?

- - გიჩქინ, ოკითხუშა თოლი დო ხავესობა ქომიღუტუ მა!

- - პაპული სქანის კილისეშა დო პაპაზეфენდიშა თოლი ვა უღუტუ! ეშო ვა რენი? ნწოფულაშა თოლი ვა უღუტუ!

- - ჰო, ეშო რტუ. მეგერემ ემუს შინახერი დინური დო პაშურაში ქეთაბეფე უღუტერენ. ედო დინი დო ოკითხუშა თოლი უღუტერენ პაპული ჩქიმის. ემუქ ეჲა ქეთაბეფე ქომომჩუ დო მა ჭიტა- ჭიტა ოკითხუს ქოგევოჭკი. მარა მა ოკითხუს კაი ვა ვორტი. ენჯამი კითხერი ვა ვორტი ნწოფულას. ემუშენითი მა ემუქ მიკითხუ არ-ჟურ ამბარი ქეთაბეფეშენ.

- -ემუქ ეჲა ამბარეფე ქეთაბეფეშენ გიკითხუი?

- -პაპული ჩქიმიქ დინური ამბარი მიკითხუ, მარა ქეთაბიშენ ვარ, ეზბერი მუშიშენ. მეგერემ ემკათა დინდარი კოჩი ტერენ პაპული ჩქიმი! მათი გოვიშაში! ედებიჲათიშენთი, დინიშენთი ამბარი ქუღუტერენ კოჩის.

- - მერაღის დომიტალეფ სი. შუქურიშა ქომეხთერენ კოჩი! თოვბეშა ქომეხთერენ! ეშო ფთქვა! ოკაჩხე მუ ყუ პაპული სქანიქ?

- - არ- ჟურ თუთას ოკითხუ- ოჭარუ დომოგურუ პაპული ჩქიმიქ. მაჟურა კელეთი თი- მუში კალა კილისეშა ოხთიმუ შენი, გზა ბგორუფტი უდოდგინუ მა. ემუს ოჯერაფუ შენი შურდოგურითენ დოვიჩალიში მა. ჩოდინასთი, არ ნდღას პაპული დო მა ნოღაშა ქოგეფთით ხე- ხეს ოკოკლიმერი. ჩქინ მაჲენфელდიშა ქოგეფთით!