İKTAV-şen Lafij
Erk̆anik Apxazi Gamantaneri K̆ut̆alia Erol K̆iliçi k̆ala doğarğalu.
K̆ut̆alia Erol
K̆iliçik eşo tku:
“Apxazeti ren dido-nenoni, dido-k̆ult̆uroni Oxenʒale!”
Ginže ʒ̆anapeş
morgvalis, Apxazepe do Margalepes (Mtini nenaten Lazepeşi cumalepes)
artneri dixa, artneri tarixi do oşkaruli idealepe kuğunan; artimajuras k̆ulani
komeçes. Edo açkva mzaxali renan andğaneri ndğas. Margalepes
Apxazuro Agrva vuʒ̆umert çkin. Margalepe renan çkini cumalepe. Apxazetişi
Dudmoşletinobaşi Limaşi
ora rt̆u,
emindros Margali cumalepe çkinik dido ç̆vinape kožires, dido zararepe kožires;
umanceli elaskides.
Margalepeşi namtinepek
dodgites Apxazepe k̆ala do dixa mutepeşis numxvaces. Mara
namtinepekti dodgites Gurcistani
k̆ala. Perpu goşoʒxuna va rt̆u. Dido meç̆ireli goşoʒxuna
rt̆u. Andğaneri Apxazetişi noğa Oçamçire şk̆uleni rayoni
Samurzaqanos/ Galis skidunan Margali cumalepe çkinik. Xvala Apxazuri nena
skidas, xvala aya va minonan çkin. Margaluri nenasti oskiduşi hak̆i
kuğun, k̆arta nenas oskiduşi hak̆i kuğun do emuşeni. Çkin Margaluri nenas mxuci
mepçapt; Margaluri nenas dido mxuci meçamu domaç̆irnan. Apxazetişi
Margelepes kuğunan Margaluri t̆elevizyoni, radyo do gazeta. Aya ren Margalepeşi
gazeta; Margaluri (Lazuri) gazeta. Dobağine reni?! Var! Margali (Agrva)
cumalepe çkinis çkva dido mxuci meçamu domaç̆irnan. Margaluri nenasti oskiduşi
hak̆i kuğun.
