“Kortuli
Ansik̆lop̆ediuri Zit̆apuna” Kogamaxtu
Magoşogore- maç̆arale Erdoğan Şenolişi
“Kortuli Ansik̆lop̆ediuri Zit̆apuna” coxoni noçalişe Ank̆aras
gamiçkvinu. Ank̆aras Gurcistanişi iptineri didelçoba oşi ʒ̆ana ʒ̆oxle
guinʒ̆k̆u. Erdoğan Şenolişi aya noçalişe gamiçkvineren Turkiye-
Gurcistanişi dip̆lomat̆iuri artikartisobaşi maoşani ʒ̆ana şeni.
Erdoğan Şenolişi “Kortuli Ansik̆lop̆ediuri Zit̆apuna” coxoni
noçalişe gamiçkvineren Gurcistanişi Faxruli K̆onsolosi, Nurol Holdingişi
Maktaleş K̆omisyonişi Dudmaxvance Nurettin Çarmiklişi madduro omxvacuten.
Ansik̆lop̆ediuri Zit̆apunas Gurcistanişi tarixi doTurkiyeşi Gurcepeşen namtini
tarixuri şahsiyet̆epe, maç̆aralepe, art̆ist̆epe, noğape do amusteri temapeşen
xut̆oşi madde doloç̆ars.
Muhacir ocağişi bere Erdoğan Şenoli yeçkindu 1973
ʒ̆anas noğa Sakaryas; İst̆anbolişi T̆eknik̆uri Universit̆et̆is Gomorgvaşi
Muendisobas diguru. Sak̆aryaşi Universit̆et̆is mast̆eri doqu; ek magoşomgore
mamgurapalo diçalişu. Erdoğan Şenolik namtini Kortuli mak̆alepeşi tercume do ar
dok̆ument̆uri filmişi dublajepe doqu. “Şavşeti do Klarcetişi Sva Coxope” coxoni
ketabişi redakt̆ori rt̆u. Erek̆le Davitaže/ Erdoğan Şenolişi Kortulişen
Turkulişa tercume ketabepeti eşo: “Aç̆araşi Apxazepe”, “Osmanli- Rusyaşi
Artikartisobas Apxazeti”, “Skidala/ Omri”, “K̆afk̆asyas K̆oçepeşi Mengapura
Dolokunepeşi Cinci (Çoxa Axaluxi)”.
https://aliihsanaksamaz.blogspot.com/2021/12/gurcu-ansiklopedik-sozlugunun-cktgna.html
https://sonhaber.ch/gurcu-ansiklopedik-sozlugu-yayinlandi/
http://www.circassiancenter.com/tr/gurcu-ansiklopedik-sozlugu-yayinlandi/