10. მჯვეში მანებრაფე კალა

10. მჯვეში მანებრაფე კალა

-    - აჩქვა ოფუტე სქანის რტი. ხოლო მანჯე გაყვერეტუ. ხოლო პაპული გაყვერეტუ. პაპული სქანი კალა რტი. ხვალა ვა რტი აჩქვა!

-      

-    - აჩქვა ხვალა ვა ვორტი მა. მანჯა მაყუ მა.

-      

-    - სი ოფუტე დორфლიშა გუიქთიში, იფთი მიეფე ძირი?!

-      

-    - იფთი მანძაგერეფე ჩქინი ქობძირი მა სოქაღეფეს.  ენთეფექ ქომძირეს მა სოქაღის.

-      

-    - მანძაგერეფექ სი გძირესში, მუ ყვეს? იხელესი?

-      

-    - ჰო! მილლეთის გააკვირუ დო იფთი მოშვაჯინონი შენი ქომეფთი ჲადო აჩქინეს მანძაგერეფეს.

-      

-    - აჲა ხილაфი ამბარი რტუ. წორი ამბარი ენთეფეს ოგნაფიი სი?

-      

-     -ჰო, ემედენი ვოგნაფი დო ირიქ იხელუ. მილლეთიქ მა მყოროფტუ.

-      

-     -ბედიგოჭვერი ბერე რტი სი. ოკაჩხე პაპული სქანიში ფაცხაშა მეხთიი?

-      

-    - ვარ, ფეტერეფეში ოხორიშა მენდაფთი იფთი მა.

-      

-     -მუშენი იფთი ფეტერეფეში ოხორიშა მენდახთი სი?

-      

-    - ფეტერიში ოხორი, ოფუტეში დოლოხე რტუ. ხოლოს რტუ. პაპული ჩქიმისთი ოხორი ქუღუტუ ოფუტეს. მარა ეჲა ოხორის ვა სქიდუტუ. რაკანის რტუ პაპული ჩქიმიში ფაცხა. ექ სქიდუტუ, გიჩქინ! რაკანის გელადგიტუ ფაცხა მუში. ემუშენი იფთი ფეტერეფეში ოხორიშა ქომეფთი მა.

-      

-     -ფეტერიქ სი გძირაში მუ ყუ? დიდო ორაშენ დონი ართიმაჟურაშენ მენდრა რტით.

-      

-     -მა ემუ ვა მაძირუ.

-      

-     -მუშენი ვა გაძირუ ფეტერი?!

-      

-     - ფეტერი ოხორის ვა რტუ. მა ემუ ვა მაძირუ იფთი.

-      

-     -ოხორის მითი გაძირუი სი?

-      

-     -ჰო, მაძირუ.

-      

-     -მი რტუ ოხორის? დინანაი?!

-      

-    - ჰო, ხვალა დინანა ქორტუ ოხორის. ედო ხვალა რტუ.

-      

-    - დინანაქ სი გძირუში, მუ ყუ?! მთინი ნენათენ გიწვა; სერსი სქანი ოგნუში, დინანაქ იხელუი?

-      

-     -ჰო, დიდო იხელუ დინანაქ. ხელათენ ტურა ღურუტუ! 

-      

-    - სი დინანა კალა მუეფე ღარღალი? მუ ამბერეფე მეჩი ემუს?

-      

-    - აჩქვა აქ ვორე მა ფთქვი. აჩქვა ოფუტეს ფსქიდამინონ მა ფთქვი. აჩქვა ხვალა ვა რე მა ფთქვი.

-      

-     -დინანაქ მუფე გიწუ?

-      

-     -ნენათენ ვა ითქვენ მუში ხელა. მათი ნენათენ ვა მათქვენ მუში ხელა. დიდო იხელუ. ედო ხელათენ ომგარინუს ქოგეოჭკუ დო მუთუ ვარ. არ კელე მა ვიმგარტი მაჟურა კელე ემუქ იმგარტუ.

-      

-    - ოკაჩხე მუეფე ყვით? მუეფე ღარღალით?

-      

-    - იფთი ოჩუქარე მუში ქომეფჩი ემუს.

-      

-    - მუ რტუ ოჩუქარე მუში?!

-      

-    - პარфუმი რტუ. ნოღა Фრანკфურტიში მონოჩანე რტერენ. მარა პარфუმიშენ ამბარი ვა უღუტერენ ზავალის.

-      

-     -დინანას პარфუმი კაი აწონუი?

-      

-     -ჰო! მა დინანას ყალის ქოდოლოვაკიდი. დინანაქ  ყალის დოლომაკიდუ. კლარაში დინანაქ არ ქეთაბი ქომომჩერეტუ. ეჲა ქეთაბიშენ არ- ჟურ მკულე პაშურა ვიკითხი ემუს. ნანდიდიქ პაშურაფეს ნუსიმინუ დო დიდო იხელუ.

-      

-    - ეჲა პაშურა კაი აწონუი დინანას?

-      

-    - ჰო, დიდო! ქეთაბი სურეთონი რტუ. ნანდიდი უთოლე რტუ. მა ვიკითხუფტი. ემუქ სურეთეფეშენ ამბარეფე მომჩაფტუ. დიდო კაპეტი გაგნაფა ქუღუტუ დინანას დო მათი გოვიშაში.

-      

-    - ფეტერი დო ნანა მუში სო ტერენან?

-      

-    - ფეტერი ნწოფულას ტერენ. ნანა მუშითი ყონას ტერენ.

-      

-     -ჰო, ქომევაგნი.

-      

-     -ოკაჩხე თითო- თითო ენთეფეთი ქომეხთეს ოხორიშა.

-      

-     -იფთი მიქ მეხთუ ოხორიშა? ფეტერიი?

-      

-     -ვარ! იფთი ფეტერიში ნანა ქომეხთუ ოხორიშა. მა ფეტერიში ნანას ყალის ქოდოლოვაკიდი. ფეტერიში ნანაქ ყალის დოლომაკიდუ.

-      

-    - ფეტერიში ნანაქ სი გძირუში დიდო იხელუ! ეშო იძირენ.

-      

-    - ჰო, დიდო! ფეტერიში ნანაქ მა მძირუში დიდო იხელუ.

-      

-     -ემუსთი წორი ამბარი მეჩიი?

-      

-    - ჰო, ემუსთი წორი ამბარი ჩქიმი ქომეფჩი მა. აჩქვა თქვანი კალა ვორე ჲა ვუწვი.

-      

-    - ჰო, დიდო კაი! იხელერენ ზავალიქ.

-      

-    - კლარა დო მუში დინანაქ ფეტერი, დინანა დო ნანა მუში შენი მა ოჩუქარეფე ქომომჩერეტეს.  მა ხემბოში ვა ოკონომოქთინეს ოფუტეშა.

-      

-    - მუ რტუ ფეტერიში ნანაში ოჩუქარე?

-      

-    - მეტაქსიში შარფა, ჲაზმა!

-      

-     -ფეტერიში ნანას ეჲა შარფა კაი აწონუი?

-      

-     -მორო მუ, კაი აწონუ!

-      

-     -ფეტერი ვა მეხთუი?

-      

-     -ქომეხთუ. არ საათი შკულე, ნწოფულაშენ ქომეხთუ ოხორიშა. მეხთუში, მა ფეტერის ყალის ქოდოლოვაკიდი. ფეტერიქთი ყალის დოლომაკიდუ. ედო ოჩუქარე მუში ქომეფჩი ემუს.

-      

-     -ფეტერიში ოჩუქარე მუ რტუ?

-      

-    - შექელემე, ვირვილი დო მეტალიში პილილი.

-      

-     -ფეტერის აღანი პილილი კაი აწონუი?

-      

-     -ჰო, დიდო კაი აწონუ დო ემედენი გელაჩამუს ქოგეოჭკუ. ედო ფიცარიში პილილი მუში მა ქომომჩუ. ოჩუქარე ქომომჩუ ეჲა.

-      

-     -ოკაჩხე მუ ყვით?

-      

-     -ოკაჩხე ფეტერი კალა პაპული ჩქიმიში ფაცხაშა მენდაფთი მა. რაკანიშა ჲეფთით.

-      

-     -პაპული სქანიქ სი გძირუში, მუ ყუ?

-      

-     -დიდო იხელუ პაპული ჩქიმიქ. ფაპული ჩქიმიქ ყალის დოლომაკიდუ დო კვას მემაჯუნდუ მა. ოჩუქარე მუშითი ქომეფჩი პაპული ჩქიმის.

-      

-     -ოჩუქარე მუში მუ რტუ?

-      

-     -მუშტუკი რტუ! მუშტუკი დო თუთუნი რტუ მუში ოჩუქარე. ენთეფე კომეფჩი მა პაპული ჩქიმის.

-      

-     -პაპული სქანის ოჩუქარე მუში კაი აწონუი?

-      

-    - ჰო, კაი აწონუ. ნოღაში დულჲა რტუ მუშტუკი. თუთუნითი ნოღა სოხუმიშენ ტერენ.

-      

-     -ნოღა სოხუმი სო რტერენ, გიჩქინი?

-      

-     -კაфკასიას ტერენ ეჲა ნოღა. თუთუნიში პლანტასჲონითენ ჩინობერი ტერენ ნოღა სოხუმი. ავრუპური თურჯარეფეს ქუღუტერენ თუთუნიში პლანტასჲონი ნოღა სოხუმის. ედო ამ ავრუფური თურჯარეფექ თუთუნიში თიჯარეთი იქიფტერენან ნოღა სოხუმიშენ ნოღა Фრანკфურტიშა.  

-      

-    - ემორა შკულე სი პაპული სქანი კალა სქიდაგინტუ. აჲა ამბარი ოგნუში, მუ ყუ პაპული სქანიქ?

-      

-    - დიდო დიდო იხელუ პაპული ჩქიმიქ. ოკაჩხე მანძაგერეფექთი ქომეხთეს ფაცხაშა.

-      

-    - მანძაგერეფექ მუ ყვეს? სი მეგარგეს მანძაგერეფექ!

-      

-    - ჰო, ენთეფექთი მემარგეს მა ფაცხას.

-      

-     -ენთეფექ ფაცხას ჩქინ მომიკითხეს დო ჩქვადოჩქვა ოჩუქარეფე მომიღეს ჩქინდა. მილლეთი ქოკიბღეს ჭიტა ფაცხას დო ჭანდა ქოდოდგეს. ჯოღორიქთი ხელათენ ლოყაშა ლალუფტუ მა. მუ ყვას!

-      

-      -სი ჯოღორის ოჭკომალე ჩაფტი.  ემ ჯოღორის ჟოსეфი ჯოხონტუ!

-      

-     -ჰო, პაპული ჩქიმიში ჯოღორი რტუ ჟოსეфი.

-      

-    - მანძაგერეფექ მუ ოჩუქარეფე მოგიღეს თქვანდა?

-      

-    - მარქვალი, ქოვალი დო ამკათა ოჭკომალეფე ქომომიღეს ჩქინ. აწი აშო ქომშუნს მა. მათი -მუსაфირეფეს შექელემე დოვუდგი.

-      

-    - ნოღა Фრანკфურტის მეჭირელი ორა გაყვერეტუ მარა, აჩქვა ხელებერი რტი. დუდმოშლეთინერი რტი. პაპული სქანი კალა რტი. ფეტერი, ნანა დო დინანა მუში კალა რტი. გერმაფე, რაკანეფე, ბუნჯინა კალა რტი ხოლო.

-      

-    - ჰო, ნოღა Фრანკфურტის მეჭირელი ორაფე მაყვერეტუ, მარა კაი მანებრაფეთი მაყვერეტუ. კლარა, დინანა მუში, ხეზმეთქჲარი საბესტიანი კაი მანებრაფე ჩქიმი რტეს. ფამბუღითი ეშო. ხელებერი ვორტი, მარა ნოსი კლარას ქოდომოსქიდერეტუ.

-      

-     -ნოღა Фრანკфურტის რტი, ხასრეტი გიღუტუ ოფუტეშა. კურბეთის რტი, მარა კანდიდატიქ ბეგიქ მეგიშველუ დო კართა შეჲი დიგური სი! გური კაპეტი გიღუტუ აჩქვა.

-      

-    - ჰო, გური კაპეთი ქომიღუტუ აჩქვა. დიდო შეჲი დოვიგური მა კანდიდატიქ ბეგიშენ. მარა ხოლოთი ხელებერი ვა ვორტი.

-      

-    - მუშენი ხელებერი ვა რტი სი?

-      

-    - ხოლო ხასრეტი ქომიღუტუ მა.

-      

-    - მუში ხასრეტი გიღუტუ სი აწი?

-      

-     -კლარაშა ხასრეტი ქომიღუტუ. დინანაშა ხასრეტი ქომიღუტუ. კატუნა ჩქიმიშა ხასრეტი ქომიღუტუ. ენთეფეშენ მენდრა დოფსქიდი მა დო ემუშენი.

-      

-    - ფამბუღი ნოღა Фრანკфურტის დოსქიდუ. ეშო რენი?!

-      

-     -ჰო, კატუნა ჩქიმი ქოდოსქიდუ ნოღა Фრანკфურტის. ნოღა Фრანკфურტის ჲეჩქინდინერი რტუ ფამბუღი ჩქიმი დო ემუშენი. ფამბუღი ჩქიმი Фრანკфურტური რტუ. ემუშენითი ემუ აქ მევაშქვი მა. კლარა კალა სქიდუტუ კატუნა ჩქიმი.

aksamaz@gmail.com

https://shangulishialiihsanaksamaz.blogspot.com/2019/10/9.html
https://shangulishialiihsanaksamaz.blogspot.com/2019/10/8.html

https://shangulishialiihsanaksamaz.blogspot.com/2019/10/7.html

https://shangulishialiihsanaksamaz.blogspot.com/2019/10/6.html

https://shangulishialiihsanaksamaz.blogspot.com/2019/10/5.html

https://shangulishialiihsanaksamaz.blogspot.com/2019/10/4.html

https://shangulishialiihsanaksamaz.blogspot.com/2019/10/3.html

https://shangulishialiihsanaksamaz.blogspot.com/2019/10/2-2-papulisi-paxa.html

https://shangulishialiihsanaksamaz.blogspot.com/2019/10/1-1-haidisi-ocagi-1-heidinin-ailesi.html

https://shangulishialiihsanaksamaz.blogspot.com/2019/10/yohanna-spirisi-haidisi-skidalasen.html